കൊച്ചി: കോണ്ഗ്രസ് സംഘടനാ തെരഞ്ഞെടുപ്പോടെ കോണ്ഗ്രസ് പാടെ തകരുമെന്ന് പ്രവചിച്ച് പ്രധാനമന്ത്രി നരേന്ദ്രമോദി. കൊച്ചി സന്ദര്ശനത്തിനിടെ നടന്ന പാര്ട്ടി കോര് കമ്മിറ്റി യോഗത്തിലാണ് മോദിയുടെ ഈ പരാമര്ശം.
കോണ്ഗ്രസില് നിന്നും പല പ്രമുഖ നേതാക്കളും പുറത്തുപോവുമെന്നും കേരളത്തിലും കോണ്ഗ്രസിലെ പലരും പാര്ട്ടി വിടുമെന്നും മോദി പറഞ്ഞു. ഈ അവസരം ബിജെപി ഉപയോഗിക്കണമെന്നും മോദി നിര്ദേശിച്ചു.
ഈ പുതിയ സാഹചര്യം ഉപയോഗിക്കാന് പാര്ട്ടിയിലുള്ളവര് തയ്യാറാകണം. ബൂത്തു തലത്തിലാണ് പാര്ട്ടിയെ ശക്തിപ്പെടുത്തേണ്ടതെന്നും മോദി അഭിപ്രായപ്പെട്ടു.
