ഓണം പുതുതലമുറയ്‌ക്ക് സമ്മാനിക്കുന്നത് ആഘോഷാരവങ്ങളുടെ പകിട്ട് മാത്രമല്ല സാമൂഹിക പ്രതിബദ്ധതയുടെയും പാരസ്പര്യത്തിന്റേയും ഓര്‍മ്മപ്പെടുത്തല്‍ കൂടിയാണ് എന്ന ചിന്ത കുട്ടികളില്‍ ഉണര്‍ത്തിക്കൊണ്ട് സൗത്ത് ചിറ്റൂരിലെ എസ്ബിഒഎ പബ്ലിക് സീനിയര്‍ സെക്കന്ററി സ്‌കൂള്‍ വിദ്യാര്‍ത്ഥികള്‍ കാക്കനാട് ബോര്‍സ്റ്റല്‍ സ്‌കൂള്‍ അംഗങ്ങള്‍ക്കായി ഓണാഘോഷം സംഘടിപ്പിച്ചു.
സെന്‍ട്രല്‍ സോണ്‍ പ്രിസണ്‍സ് ഡിഐജി പി. അജയകുമാര്‍ അധ്യക്ഷനായ ചടങ്ങില്‍ ഹൈബി ഈഡന്‍ എംപി, യുവതാരം ബാലു വര്‍ഗീസ് എന്നിവര്‍ പങ്കെടുത്തു. സ്‌കൂള്‍ പ്രിന്‍സിപ്പല്‍ ശ്രീകല കരുണാകരന്‍ ഓണസന്ദേശം നല്‍കി. സ്‌കൂള്‍ കറസ്‌പോണ്‍ഡന്റ് പോള്‍ ഡി പ്രഭാകര്‍, അധ്യാപിക ഷൈജി പോള്‍ എന്നിവര്‍ കുട്ടികളുമായി സംവദിച്ചു.
വിദ്യാര്‍ഥികള്‍ സ്വരൂപ്പിച്ച പാഠപുസ്തകങ്ങള്‍ നോവലുകള്‍, വിനോദോപകരണങ്ങള്‍, വസ്ത്രങ്ങള്‍, ചെടികള്‍ എന്നിവ അന്തേവാസികള്‍ക്കായി സമ്മാനിക്കുകയും തുടര്‍ന്ന് വിദ്യാര്‍ത്ഥികള്‍ വിവിധ കലാപരിപാടികള്‍ അവതരിപ്പിക്കുകയും ചെയ്തു.
പ്രതികരിക്കാൻ ഇവിടെ എഴുതുക: