തിരുവനന്തപുരം: കേരളത്തില് എത്തുന്ന കേന്ദ്ര ആഭ്യന്തര മന്ത്രി അമിത്ഷായെ സ്വീകരിക്കാന് ഒരുങ്ങി തലസ്ഥാനം. നാളെ വൈകുന്നേരം 5.30ന് തിരുവനന്തപുരം വിമാനത്താവളത്തില് എത്തുന്ന അമിത്ഷായ്ക്ക് ബിജെപി ജില്ലാ കമ്മിറ്റിയുടെ നേതൃത്വത്തില് വന് സ്വീകരണം ഒരുക്കുമെന്ന് ബിജെപി ജില്ലാ പ്രസിഡന്റ് അഡ്വ. വി.വി. രാജേഷ് പറഞ്ഞു. മഹിളാ മോര്ച്ച പ്രവര്ത്തകര് ഉള്പ്പടെ ആയിരക്കണക്കിന് പേര് അമിത്ഷായെ സ്വീകരിക്കാന് വിമാനത്താവളത്തില് എത്തും.
നാളെ രാവിലെ 10.30ന് കോവളം ലീലാ റാവിസില് നടക്കുന്ന ദക്ഷിണേന്ത്യന് സംസ്ഥാനങ്ങളിലെ മുഖ്യമന്ത്രിമാരുടെ ഇന്റര് സ്റ്റേറ്റ് കൗണ്സില് യോഗം അമിത്ഷാ ഉദ്ഘാടനം ചെയ്യും. വൈകിട്ട് മൂന്നിന് കഴക്കൂട്ടം അല്സാജ് കണ്വെന്ഷന് സെന്ററില് നടക്കുന്ന ബിജെപി പട്ടികജാതി മോര്ച്ച സംഘടിപ്പിക്കുന്ന പട്ടികജാതി സംഗമം അമിത്ഷാ ഉദ്ഘാടനം നിര്വ്വഹിക്കും.
വിവിധ പട്ടിക ജാതി സംഘടനകളുടെ നേതാക്കള്, പട്ടിക ജാതി വിഭാഗത്തില് നിന്നും പൊതുപ്രവര്ത്തനം നടത്തുന്ന വ്യസ്ഥമേഖലയിലുള്ള 1000 കണക്കിന് പേര് അണിനിരക്കുന്ന സംഗമമാണ് നടക്കുന്നത്. അമിത് ഷായുടെ സന്ദര്ശനവുമായി ബന്ധപ്പെട്ട് മറ്റു പരിപാടികള് ഉണ്ടെന്നതരത്തിലുള്ള വ്യാജ പ്രചാരണങ്ങള് നടക്കുന്നുണ്ട്. പാര്ട്ടിയുടെ പരിപാടികളായി വിമാനത്താവളത്തിലെ സ്വീകരണവും പട്ടിക ജാതി സംഗമവുമാണ് തീരുമാനിച്ചിരിക്കുന്നതെന്നും അദ്ദേഹം വ്യക്തമാക്കി.
