കണ്ണൂര്: കണ്ണൂരിലും കോഴിക്കോട്ടും ഉരുള്പ്പൊട്ടലുണ്ടായതായി സംശയം. കണ്ണുരില് നെടുമ്പോയില് ചുരത്തില് വനത്തിനുള്ളില് ഉരുള് പൊട്ടിയെന്നാണ് സംശയം. മാനന്തവാടി കൂത്തുപറമ്പ് ചുരം പാതയില് മലവെള്ളപ്പാച്ചില് ശക്തമാണ്. കോഴിക്കോട് വിലങ്ങാട് വനമേഖലയിലും ഉരുള്പൊട്ടിയതായും സംശയമുണ്ട്. പാനോം വനമേഖലയിലാണ് ഉരുള്പൊട്ടലുണ്ടായെന്ന് സംശയിക്കുന്നത്. വാണിമേല് പുഴയില് മലവെള്ള പാച്ചില് ശക്തമാണ്. വിലങ്ങാട് ടൗണില് പലയിടത്തും വെള്ളം കയറി.
മലവെള്ളം കുത്തിയൊലിച്ചെത്തിയതോടെ വിലങ്ങാട് പാലം പൂര്ണമായും വെള്ളത്തിനടിയിലായി. ഈ ഭാഗത്തെ നിരവധി കടകളില് വെള്ളം കയറി. കോഴിക്കോട് മലയോര മേഖലയില് ശനിയാഴ്ച രാവിലെ മുതല് തുടങ്ങിയ ശക്തമായ മഴ ഇപ്പോഴും തുടരുകയാണ്.
