കണ്ണൂർ: തലശേരി ജനറൽ ആശുപത്രിയിൽ നവജാത ശിശു മരിച്ചു. മട്ടന്നൂർ ഉരുവച്ചാൽ സ്വദേശി ബിജീഷിന്റെ കുഞ്ഞാണ് മരിച്ചത്. ഡോക്ടറുടെ അനാസ്ഥ മൂലമാണ് മരണം സംഭവിച്ചതെന്ന് ബന്ധുക്കൾ ആരോപിച്ചു. ഡോക്ടർക്കെതിരെ തലശേരി പോലീസിൽ പരാതി നൽകി. പോസ്റ്റുമോർട്ടം റിപ്പാർട്ട് വന്നാലെ മരണകാരണം വ്യക്തമാകൂവെന്ന് ആർഎംഒ അറിയിച്ചു.
യുവതിയെ ചികിത്സിച്ച ഗൈനക്കോളജി വിഭാഗം ഡോക്ടർ പ്രീജയ്‌ക്ക് എതിരെയാണ് പരാതി. നേരത്തെ നടത്തിയ സ്കാനിംഗിൽ കുഞ്ഞിന്റെ കഴുത്തിൽ പൊക്കിൾക്കൊടി ചുറ്റിയ നിലയിലായിരുന്നു. ഇക്കാര്യം ഡോക്ടർ പരിശോധിച്ചില്ല. രണ്ട് തവണ വേദന വന്നിട്ടും പ്രസവം നടക്കാതായതോടെ സിസേറിയൻ ആവശ്യപ്പെട്ടെങ്കിലും ഡോക്ടർ സമ്മതിച്ചില്ലെന്നും ബന്ധുക്കൾ പറഞ്ഞു.
വെള്ളിയാഴ്ച ഉച്ചയ്‌ക്ക് ഒന്നര മണിയോടെയാണ് കുട്ടി മ രിച്ചത്. ശ്വാസ തടസത്തെ തുടർന്ന് കുട്ടി മരിച്ചുവെന്നാണ് ആശുപത്രി അധികൃതർ ബന്ധുക്കളെ അറിയിച്ചത്.
പ്രതികരിക്കാൻ ഇവിടെ എഴുതുക: