കേന്ദ്ര ആഭ്യന്തര മന്ത്രാലയത്തിന് കീഴിലുള്ള ബോര്‍ഡര്‍ സെക്യൂരിറ്റി ഫോഴ്‌സില്‍ ഹെഡ്‌കോണ്‍സ്റ്റബിള്‍ (എച്ച്‌സി) റേഡിയോ ഓപ്പറേറ്റര്‍, റേഡിയോ മെക്കാനിക് തസ്തികകളിലേക്കുള്ള റിക്രൂട്ട്‌മെന്റിന് അപേക്ഷ ഓണ്‍ലൈനായി സെപ്തംബര്‍ 19 വരെ സമര്‍പ്പിക്കാം. ആകെ 1312 ഒഴിവുകളുണ്ട്. ഗ്രൂപ്പ് ‘സി’ നോണ്‍ ഗസറ്റഡ് വിഭാഗത്തില്‍പ്പെടുന്ന ഈ തസ്തികയിലെ ഒഴിവുകള്‍ താല്‍ക്കാലികമാണെങ്കിലും സ്ഥിരപ്പെടുത്താനിടയുണ്ട്. നിയമനം ലഭിക്കുന്നവര്‍ ഇന്ത്യയിലെവിടെയും ജോലിചെയ്യാന്‍ ബാധ്യസ്ഥരാണ്. ശമ്പള നിരക്ക് 25500- 81,100 രൂപ. ക്ഷാമബത്ത, കോഷന്‍ മണി അലവന്‍സ്, ഡ്രസ്സ് അലവന്‍സ്, വീട്ടുവാടകബത്ത, യാത്രാ ബത്ത മുതലായ ആനുകൂല്യങ്ങളുമുണ്ട്.
എച്ച്‌സി റേഡിയോ ഓപ്പറേറ്റര്‍ തസ്തികയില്‍ 982 ഒഴിവുകളും എച്ച്‌സി റേഡിയോ മെക്കാനിക് തസ്തികയില്‍ 330 ഒഴിവുകളുമാണുള്ളത്. ഒബിസി, എസ്‌സി/എസ്ടി, ഇഡബ്ല്യുഎസ് വിഭാഗങ്ങളില്‍പ്പെടുന്നവര്‍ക്ക് ഒഴിവുകളില്‍ സംവരണമുണ്ട്.
യോഗ്യത: എസ്എസ്എല്‍സി/തത്തുല്യ പരീക്ഷ പാസായിരിക്കണം. കൂടാതെ റേഡിയോ ആന്റ് ടെലിവിഷന്‍/ഇലക്‌ട്രോണിക്‌സ്/കമ്പ്യൂട്ടര്‍ ഓപ്പറേറ്റര്‍ ആന്റ് പ്രോഗ്രാമിംഗ് അസിസ്റ്റന്റ്/ഡാറ്റാ പ്രിപ്പറേഷന്‍ആന്റ് കമ്പ്യൂട്ടര്‍ സോഫ്റ്റ്‌വെയര്‍/ജനറല്‍ ഇലക്‌ട്രോണിക്‌സ്/ഡാറ്റാ എന്‍ട്രി ഓപ്പറേറ്റര്‍/ഇലക്ട്രീഷ്യന്‍/ഫിറ്റര്‍/കമ്പ്യൂട്ടര്‍ ഹാര്‍ഡ്‌വെയര്‍/നെറ്റ്‌വര്‍ക്ക് ടെക്‌നീഷ്യന്‍, മെക്കാട്രോണിക്‌സ് മുതലായ ട്രേഡുകളില്‍ രണ്ടുവര്‍ഷത്തെ അംഗീകൃത ഐടിഐ സര്‍ട്ടിഫിക്കറ്റ് ഉണ്ടാകണം. അല്ലെങ്കില്‍ ഫിസിക്‌സ്, കെമിസ്ട്രി, മാത്തമാറ്റിക്‌സ് വിഷയങ്ങള്‍ക്ക് മൊത്തം 60 ശതമാനം മാര്‍ക്കില്‍ കുറയാതെ പ്ലസ്ടു/ഹയര്‍ സെക്കന്‍ഡറി/തത്തുല്യ ബോര്‍ഡ് പരീക്ഷ വിജയിച്ചിരിക്കണം.
പ്രായപരിധി 18-25 വയസ്. ഒബിസികാര്‍ക്ക് 3 വര്‍ഷവും പട്ടികജാതി/വര്‍ഗ്ഗക്കാര്‍ക്ക് 5 വര്‍ഷവും ബിഎസ്എഫ് ജീവനക്കാര്‍ക്കും വിമുക്തഭടന്മാര്‍ക്കും മറ്റും ചട്ടപ്രകാരവും പ്രായപരിധിയില്‍ ഇളവുണ്ട്. ശാരീരിക യോഗ്യതകള്‍: പുരുഷന്മാര്‍ക്ക് ഉയരം 168 സെ.മീറ്റര്‍, നെഞ്ചളവ് 80-85 സെ.മീറ്റര്‍. വനിതകള്‍ക്ക് ഉയരം 157 സെ.മീറ്റര്‍. ഉയരത്തിനും പ്രായത്തിനും അനുസൃതമായ ഭാരവും ഉണ്ടാകണം. ഫിസിക്കല്‍, മെഡിക്കല്‍ ഫിറ്റ്‌നസ് ഉണ്ടായിരിക്കണം. വൈകല്യങ്ങള്‍ പാടില്ല. നല്ല കാഴ്ചശക്തി വേണം.
വിശദവിവരങ്ങളടങ്ങിയ റിക്രൂട്ട്‌മെന്റ് വിജ്ഞാപനം https://rectt.bsf.gov.in ല്‍നിന്നും ഡൗണ്‍ലോഡ് ചെയ്ത് നിര്‍ദ്ദേശാനുസരണം ഓണ്‍ലൈനായി അപേക്ഷിക്കാം. അപേക്ഷാ ഫീസ് 100 രൂപ. ക്രഡിറ്റ്/ഡബിറ്റ് കാര്‍ഡ്, ഇന്റര്‍നെറ്റ് ബാങ്കിംഗ് മുഖാന്തിരം ഫീസ് അടയ്‌ക്കാം. എസ്‌സി/എസ്ടി/ബിഎസ്ഫ് ജീവനക്കാര്‍, വനിതകള്‍/വിമുക്തഭടന്മാര്‍ വിഭാഗങ്ങളില്‍പ്പെടുന്നവര്‍ക്ക് ഫീസില്ല. എന്നാല്‍ 47 രൂപ സര്‍വ്വീസ് ചാര്‍ജായി ഈടാക്കും.
ആകെ 16 കേന്ദ്രങ്ങളിലായാണ് റിക്രൂട്ട്‌മെന്റ്. ദക്ഷിണേന്ത്യയില്‍ ബെംഗളൂരുവാണ് കേന്ദ്രം. വിലാസം: ദി ഇന്‍സ്‌പെക്ടര്‍ ജനറല്‍, ബിഎസ്എഫ് ബാംഗ്ലൂര്‍, പിന്‍-560063.
സെലക്ഷന്‍: രണ്ട് മണിക്കൂര്‍ ദൈര്‍ഘ്യമുള്ള ഒബ്ജക്ടീവ് മള്‍ട്ടിപ്പിള്‍ ചോയിസ് മാതൃകയിലുള്ള ടെസ്റ്റ്, ഫിസിക്കല്‍ സ്റ്റാന്‍ഡേര്‍ഡ് ടെസ്റ്റ്, കായികക്ഷമതാ പരീക്ഷ, ഡിക്‌ടേഷന്‍ ടെസ്റ്റ്, വൈദ്യപരിശോധന എന്നിവയുടെ അടിസ്ഥാനത്തിലാണ് തെരഞ്ഞെടുപ്പ്. വിവിധ ഘട്ടങ്ങളായുള്ള റിക്രൂട്ട്‌മെന്റ് നടപടികള്‍ വിജ്ഞാപനത്തിലുണ്ട്.
പ്രതികരിക്കാൻ ഇവിടെ എഴുതുക: