കൊച്ചി: കൊച്ചി നഗരത്തില് വീണ്ടും എടിഎം കവര്ച്ച നടത്തിയ പ്രതി അറസ്റ്റില്. ഇടപ്പള്ളിയില് നിന്നാണ് യുപി സ്വദേശി മുഖാറക് പിടിയിലായത്. എടിഎമ്മില് തട്ടിപ്പ് നടത്താന് ഉപയോഗിച്ച ഉപകരണവും ഇയാളില് നിന്നു കണ്ടെത്തി. ഇടപ്പള്ളിയില് സ്വകാര്യബസില് സഞ്ചരിക്കവേ പോലീസിന് കണ്ട് ഇയാള് രക്ഷപെടാല് ശ്രമിച്ചെങ്കിലും പോലീസ് പിന്നാലെ എത്തി പിടികൂടുകയായിരുന്നു. കളമശേരി പോലീസ് ഇയാളെ ചോദ്യം ചെയ്യുകയാണ്. സൗത്ത് ഇന്ത്യന് ബാങ്കിന്റെ 11 എടിഎമ്മുകളില് നിന്നാണ് പണം നഷ്ടപ്പെട്ടത്. കളമശ്ശേിയിലെ എഴ് ഇടപാടുകാര്ക്ക് 25,000 രൂപ നഷ്ടമായി. തട്ടിപ്പ് നടത്തുന്നതിന്റെ സിസിടിവി ദൃശ്യങ്ങളും പുറത്തുവന്നിരുന്നു.
മുഖം മറയ്ക്കാതെ പണം മോഷ്ടിക്കുന്ന ഇയാളുടെ ചിത്രങ്ങള് പുറത്തുവന്നിരുന്നു. ഓരോ ഇടപാടുകാര് എടിഎമ്മില് കയറുന്നതിനു മുന്പ് ഇയാള് കയറി മെഷീനില്നിന്നു പണം വരുന്ന ഭാഗം അടച്ചുവയ്ക്കും. പണം ലഭിക്കാതാകുന്നതോടെ ഇടപാടിനു വരുന്നവര് തിരിച്ചുപോകുന്നതോടെ എടിഎമ്മിലെത്തി ഇയാള് അടച്ചുവച്ച ഭാഗം തുറന്ന് പണം സ്വന്തമാക്കും. ഇക്കാര്യം ദൃശ്യങ്ങളില് പതിഞ്ഞിരുന്നു.
വ്യാഴാഴ്ച വൈകിട്ട് 6.30 ഓടെയാണ് സംഭവം പുറത്തുവരുന്നത്. കളമശ്ശേരി, തൃപ്പുണിത്തുറ, ചേന്ദമംഗലം, തിരുവാങ്കുളം, വൈറ്റില, എടപ്പള്ളി, ബാനര്ജി റോഡ് ഭാഗങ്ങളിലെ എടിഎമ്മുകളില് നിന്നും ഇത്തരത്തില് പണം നഷ്ടമായിട്ടുണ്ട്. പണം പിന്വലിക്കാന് സാധിക്കാതായതോടെ ഇടപാടുകാര് ബാങ്കില് അറിയിക്കുകയും സംശയം തോന്നി സിസിടിവി ദൃശ്യങ്ങള് പരിശോധിച്ചതോടെയാണ് തട്ടിപ്പ് തിരിച്ചറിഞ്ഞത്.
