തിരുവനന്തപുരം: പാലക്കാട് മലമ്പുഴയില്‍ സിപിഎം നേതാവ് കൊല്ലപ്പെട്ട സംഭവത്തില്‍ പ്രതികരിച്ച് കെപിസിസി അദ്ധ്യക്ഷന്‍ കെ.സുധാകരന്‍. എല്ലാ കൊലയും ബിജെപിയുടെ തലയില്‍ കൊണ്ട് വയ്‌ക്കണ്ടെന്നും പാര്‍ട്ടി അംഗങ്ങള്‍ തന്നെയാണ് ഇതിന് പിന്നിലെന്നും സുധാകരന്‍ പറഞ്ഞു.
ഷാജഹാനെ കൊലപ്പെടുത്തിയ അക്രമികള്‍ പാര്‍ട്ടി അംഗങ്ങള്‍ എന്നാണ് ദൃക്‌സാക്ഷികള്‍ പറയുന്നത്. കൊലപാതകത്തിന്റെ ഉത്തരവാദിത്വത്തില്‍ നിന്ന് ഒഴിഞ്ഞുമാറാന്‍ സിപിഎമ്മിന് കഴിയുകയില്ലെന്ന് സുധാകരന്‍ പറഞ്ഞു. കൊലപാതകത്തിന് പിന്നില്‍ ബിജെപി-ആര്‍എസ്എസ് പ്രവര്‍ത്തകരാണെന്ന സിപിഎം വാദത്തെ കെപിസിസി അദ്ധ്യക്ഷന്‍ തള്ളിപ്പറഞ്ഞു. ബിജെപിയോട് തനിക്കും രാഷ്‌ട്രീയമായി എതിര്‍പ്പുണ്ട്. എന്നാല്‍ എല്ലാം ബിജെപിയുടെ തലയില്‍ കൊണ്ടു പോയി വയ്‌ക്കണ്ടെന്നും സുധാകരന്‍ വ്യക്തമാക്കി.
സംസ്ഥാന സര്‍ക്കാരിന്റെ കൈയില്‍ ഉള്ളതിനേക്കാള്‍ ആയുധം സിപിഎമ്മിന്റെ കയ്യിലുണ്ടെന്നും അദ്ദേഹം പറഞ്ഞു.സിപിഎം അതിക്രമങ്ങള്‍ക്ക് പോലീസ് കൂട്ടുനില്‍ക്കുകയാണെന്നും കെ സുധാകരന്‍ പറഞ്ഞു. കൊലപാതകത്തില്‍ കൃത്യമായ അന്വേഷണം വേണമെന്നും അദേഹം വ്യക്തമാക്കി.
പ്രദേശവാസികളായ അനീഷും, ശബരീഷും സുഹൃത്തുക്കളും ചേര്‍ന്നാണ് ഷാജഹാനെ കൊലപ്പെടുത്തിയതെന്ന് ദൃക്‌സാക്ഷി സുരേഷ് വെളിപ്പെടുത്തി.
പ്രതികരിക്കാൻ ഇവിടെ എഴുതുക: