പതിമൂന്ന് പ്രമുഖ വ്യക്തിത്വങ്ങളുടെ അഭിമുഖങ്ങളുമായി ‘ മുഖം അഭിമുഖം’; പ്രകാശനം ആഗസ്റ്റ് 11ന്

കോഴിക്കോട് : ജന്മഭൂമി ഡെപ്യൂട്ടി എഡിറ്റർ കാവാലം ശശികുമാർ രചിച്ച ‘മുഖം അഭിമുഖം’ എന്ന പുസ്തകത്തിന്റെ പ്രകാശനം ആഗസ്ത് 11ന്. കോഴിക്കോട് കേസരി ഭവനിൽവെച്ച് നടക്കുന്ന ചടങ്ങിൽ ആർഎസ്എസ് പ്രജ്ഞാ പ്രവാഹ് ദേശീയ സംയോജക് ജെ. നന്ദകുമാറാണ് പ്രകാശനം നിർവഹിക്കുന്നത്. 

കുരുക്ഷേത്ര ബുക്സാണ് പുസ്തകം പ്രസിദ്ധീകരിക്കുന്നത്. സർസംഘ ചാലക് ഡോ. മോഹൻ ഭാഗവത്, ആർ. ഹരി, പി. നാരായണൻ, അക്കിത്തം അച്യുതൻ നമ്പൂതിരി, പരമേശ്വർജി, എസ്. സേതുമാധവൻ, എസ്. രമേശൻ നായർ, കാവാലം നാരായണപ്പണിക്കർ തുടങ്ങി 13 പ്രമുഖ വ്യക്തികളുമായി കാവാലം ശശികുമാർ നടത്തിയ അഭിമുഖങ്ങളാണ് പുസ്തകത്തിൽ ഉൾക്കൊള്ളിച്ചിരിക്കുന്നത്. പുസ്തകം തപാലിലും ലഭ്യമാണ്.