മുംബൈ: പൂര്‍ണനഗ്നനായി ബോളിവുഡ് താരം രണ്‍വീര്‍ സിങ് നടത്തിയ ഫോട്ടോഷൂട്ട് പുതിയ വിവാദത്തിന് തിരികൊളുത്തി. രണ്‍വീര്‍ സിങ് സ്ത്രീകളുടെ വികാരത്തെ വ്രണപ്പെടുത്തിയെന്ന പരാതിയില്‍ കേസെടുത്ത് പൊലീസ്. എന്‍ജിഒ ഭാരവാഹിയാണ് കഴിഞ്ഞദിവസം സമൂഹമാധ്യമത്തില്‍ താരം പങ്കുവച്ച സ്വന്തം ന്യൂഡ് ഫോട്ടോഷൂട്ടിന് എതിരെ പരാതി നല്‍കിയത്. പരാതിയില്‍ ചെമ്പുര്‍ പൊലീസാണു കേസെടുത്തത്.
സ്ത്രീകളുടെ വികാരത്തെ രണ്‍വീര്‍ വ്രണപ്പെടുത്തിയെന്നും സ്വന്തം നഗ്ന ചിത്രങ്ങളിലൂടെ അവരെ അപമാനിച്ചെന്നും പരാതിയില്‍ ആരോപിച്ചു. ഐടി ആക്ട്, ഐപിസി നിയമങ്ങള്‍ പ്രകാരമുള്ള കുറ്റങ്ങള്‍ ചുമത്തി താരത്തിനെതിരെ കേസെടുക്കണമെന്നായിരുന്നു ആവശ്യം. അതേസമയം, രണ്‍വീറിനെ പുകഴ്‌ത്തിയും വിമര്‍ശിച്ചും സമൂഹമാധ്യമങ്ങളില്‍ ചര്‍ച്ച സജീവമാണ്. സ്ത്രീകള്‍ക്ക് നഗ്നത പ്രദര്‍ശിപ്പിക്കാമെങ്കില്‍ പുരുഷന്‍മാര്‍ക്കും ആകാമെന്നും സംവിധായകന്‍ രാംഗോപാല്‍ വര്‍മ പ്രതികരിച്ചു.
അതേസമയം, ഇന്‍ഡോര്‍ അടക്കം വിവിധ ഇടങ്ങളില്‍ എന്‍ജിഒകള്‍ കേന്ദ്രീകരിച്ച് രണ്‍വീനിറായി വസ്ത്രശേഖരണം ആരംഭിച്ചു. വലിയ ബോക്‌സുകള്‍ റോഡരുകില്‍ സ്ഥാപിച്ചാണ് വസ്ത്ര ശേഖരണം.
പ്രതികരിക്കാൻ ഇവിടെ എഴുതുക: