കൊച്ചി : അറബ് ഭരണാധികാരികളേയും രാഷ്ട്രങ്ങളേയും സുഖിപ്പിക്കാനാണ് മുന് മന്ത്രി കെ.ടി. ജലീലിന്റെ ശ്രമം. സ്വര്ണക്കടത്ത് കേസില് താന് ക്ലീന്ചിറ്റ് നല്കിയ വാദം തെറ്റാണെന്നും സ്വപ്ന അറിയിച്ചു. ജലീലിന്റെ പ്രസ്താവനയുമായി ബന്ധപ്പെട്ട് മാധ്യമ പ്രവര്ത്തകരോട് പ്രതികരിക്കുകയായിരുന്നു അവര്.
സ്വര്ണക്കടത്ത് കേസുകളില് താന് നല്കിയ സത്യവാങ്മൂലം ആവര്ത്തിച്ച് വായിച്ചാല് കെ.ടി. ജലീലിന് ഇക്കാര്യം മനസിലാകും. ഫിലോസഫിയില് ഡോക്ടറേറ്റ് എടുത്ത ജലീലിന് എത്രത്തോളം ഇംഗ്ലീഷ് അറിയാമെന്ന് ഇന്നലെ മനസിലായി. താന് സത്യവാങ്മൂലത്തില് പറഞ്ഞത് ഒന്നോ രണ്ടോ മൂന്നോ തവണ ആവര്ത്തിച്ച് വായിച്ച് അതില് പറഞ്ഞിരിക്കുന്ന കാര്യങ്ങള് മനസിലാക്കാന് ജലീല് ശ്രമിക്കണം.
അറബ് ഭരണാധികാരികളെയും രാഷ്ട്രങ്ങളെയും സുഖിപ്പിക്കാനായിരുന്നു ജലീലിന്റെ ശ്രമം. ഗള്ഫിലെ മലയാളികളുടെ മരണത്തെ കുറിച്ച് മാധ്യമങ്ങള് റിപ്പോര്ട്ട് ചെയ്യുമ്പോള് അതിന്റെ പേരില് പത്രസ്ഥാപനത്തിന്റെ പ്രവര്ത്തനം തടസപ്പെടുത്താനായിരുന്നു ജലീല് ശ്രമിച്ചത്.
മന്ത്രിയെ പ്രോട്ടോക്കോള് പഠിപ്പിക്കേണ്ട ചുമതല തനിക്കാണെന്ന് അറിഞ്ഞിരുന്നില്ല. ജലീല് മാത്രമല്ല പ്രോട്ടോക്കോള് ലംഘനം നടത്തിയത് കെടി ജലീല് മാത്രമല്ല. മുഖ്യമന്ത്രി പിണറായി വിജയന്, അദ്ദേഹത്തിന്റെ പ്രിന്സിപ്പല് സെക്രട്ടറി, മന്ത്രിയായിരുന്ന കടകംപള്ളി സുരേന്ദ്രനും കാന്തപുരം എപി അബൂബക്കര് മുസ്ലിയാരും പ്രോട്ടോക്കോള് ലംഘനം നടത്തിയിട്ടുണ്ട്. കെടി ജലീല് യുഎഇ കോണ്സുല് ജനറലുമായി നിരവധി തവണ അടച്ചിട്ട മുറിയില് സംസാരിച്ചിട്ടുണ്ട്.
കെ.ടി. ജലീല് തന്നോട് ചാറ്റ് ചെയ്തത് സ്പേസ് പാര്ക്കിലെ ജീവനക്കാരിയായിരിക്കെയാണ്. അല്ലാതെ യുഎഇ കോണ്സുലേറ്റ് ജനറലിന്റെ പിഎ ആയിരിക്കുമ്പോഴല്ല. കെ ടി ജലീല് താനുമായുള്ള വ്യക്തിപരമായ ബന്ധം മുതലാക്കുകയായിരുന്നു. ഒരുപാട് ചോദ്യങ്ങള്ക്ക് കെടി ജലീല് ഉത്തരം നല്കേണ്ടി വരുമെന്നും സ്വപ്ന സുരേഷ് കൂട്ടിച്ചേര്ത്തു.
അതേസമയം മാധ്യമം പത്രത്തിനെതിരെ ജലീല് കത്തയച്ചത് പാര്ട്ടി അറിഞ്ഞില്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് പ്രതികരിച്ചു. എല്ലാ എംഎല്എമാരം മന്ത്രിമാരും കത്തെഴുതുന്നത് പാര്ട്ടിയോട് ആലോചിച്ചല്ല. പത്രം നിരോധിക്കുന്നത് പാര്ട്ടി നിലപാടല്ല. മാധ്യമം പത്രം മുമ്പ് നിരോധിച്ചപ്പോഴും പാടില്ലെന്നായിരുന്നു സിപിഎമ്മിന്റെ നിലപാട്. ജലീല് പ്രോട്ടോക്കോള് ലംഘിച്ചിട്ടുണ്ടെങ്കില് കേന്ദ്ര വിദേശകാര്യ മന്ത്രാലയമാണ് നടപടി സ്വീകരിക്കേണ്ടതെന്നും കോടിയേരി ബാലകൃഷ്ണന് പറഞ്ഞു.
