ന്യൂദല്‍ഹി: നിയുക്ത രാജ്യസഭാംഗം പി.ടി. ഉഷയ്ക്ക് ദല്‍ഹി വിമാനത്താവളത്തില്‍ ഉജ്ജ്വല വരവേല്‍പ്പ് നല്‍കി ബിജെപി. മനോജ് തിവാരി എംപിയുടെ നേതൃത്വത്തില്‍ പാര്‍ട്ടിയുടെ ദല്‍ഹി ഘടകമാണ് പരിപാടി സംഘടിപ്പിച്ചത്. കായിക മേഖലയിയുള്ളവര്‍ക്ക് പി.ടി. ഉഷയുടെ രാജ്യസഭാംഗമായുള്ള നാമനിര്‍ദേശം മികച്ച പ്രചോദനമാണ് നല്‍കിയിരിക്കുന്നതെന്നും കേന്ദ്രസര്‍കാര്‍ വ്യക്തമാക്കി.
നാമനിര്‍ദേശത്തിനു പിന്നാലെ ബിജെപി സംസ്ഥാന നേതൃത്ത്വം പി.ടി. ഉഷയുടെ വീട്ടില്‍ എത്തി സ്വീകരണം നല്‍കിയിരുന്നു. ഈ മാസം തുടക്കത്തിലാണ് മുന്‍ ഒളിമ്പിക്‌സ് താരം കൂടിയായ ഉഷയെ രാജ്യസഭയിലേക്ക് ബിജെപി നിര്‍ദേശിച്ചത്. ഈ മാസം ആരംഭിക്കുന്ന പാര്‍ലിമെന്റെ ശൈത്യകാല സമ്മേളനത്തില്‍ പി.ടി. ഉഷ സത്യപ്രതിജ്ഞ ചെയ്ത് എംപിയാകും.
പ്രതികരിക്കാൻ ഇവിടെ എഴുതുക: