ചൊക്ലി: മാഹിയിലെ പമ്പില്‍ ഇറക്കേണ്ടിയിരുന്ന 12,000 ലിറ്റര്‍ ഡീസല്‍ അവിടെ ഇറക്കാതെ കണ്ണൂരിലേക്ക് കടത്താന്‍ ശ്രമിച്ചത് പോലീസ് പിടികൂടി. കഴിഞ്ഞദിവസം പുലര്‍ച്ചെ നാല് മണിയോടെ ചൊക്ലി പോലീസ് സ്റ്റേഷന്‍ പരിധിയിലെ കാഞ്ഞിരത്തിന്‍കീഴില്‍ നിന്നാണ് തലശ്ശേരി എ.എസ്.പി. വിഷ്ണുപ്രസാദിന്റെ നേതൃത്വത്തില്‍ ടാങ്കര്‍ ലോറി പിടികൂടിയത്.
കെ.എല്‍. 63 എഫ് 6865 ടാങ്കര്‍ ലോറിയാണ് പിടിച്ചെടുത്തത്. ലോറിയിലുണ്ടായിരുന്ന പാലക്കാട് സ്വദേശി ബേബി (54), കൊല്ലങ്കോട് സ്വദേശി കൃഷ്ണദാസ് (37) എന്നിവരെ കസ്റ്റഡിയിലെടുത്തു. മാഹിയില്‍ ഇന്ധനത്തിന് വില കുറവാണ്. അതിനാല്‍ അവിടെ ഇറക്കേണ്ടുന്ന ഡീസല്‍ കണ്ണൂര്‍ ജില്ലയിലെ ഏതോ പമ്പിന് മറിച്ചുനല്‍കാന്‍ കൊണ്ടുപോകുകയായിരുന്നുവെന്നാണ് കരുതുന്നത്.
പ്രതികരിക്കാൻ ഇവിടെ എഴുതുക: