മുംബൈ: നൂപുര്‍ ശര്‍മ്മയെ പിന്തുണച്ച് പോസ്റ്റിട്ടതിന്റെ പേരില്‍ കഴുത്തില്‍ കത്തിയിറക്കി ഇസ്ലാം തീവ്രവാദികള്‍ കൊല ചെയ്ത ഉമേഷ് കോല്‍ഹെ എന്ന മരുന്നുഷോപ്പുടമ ഉമേഷ് കോല്‍ഹെയുടെ വീടിന് മുന്‍പില്‍ നവ്നീത് കൗര്‍ റാണ എംപി ഹനുമാന്‍ ചാലിസ ചൊല്ലി. അവരുടെ ഭര്‍ത്താവായ എംഎല്‍എ രവി റാണയും ഉണ്ടായിരുന്നു.
നവ് നീത് കൗര്‍ റാണ എംപിയുടെ മണ്ഡലമായ മഹാരാഷ്‌ട്രയിലെ അമരാവതിയിലാണ് ഈ കൊലപാതകം നടന്നത്. കോല്‍ഹെയുടെ കൊലപാതകികളെ മുഴുവന്‍ പരസ്യമായി തൂക്കിക്കൊല്ലണമെന്ന് നവ് നീത് കൗര്‍ റാണ എംപി മാധ്യമങ്ങളോട് പറഞ്ഞു. അങ്ങിനെയെങ്കില്‍ പിന്നെയാരും ഇത്തരമൊരു കൊലപാതകത്തിന് ഒരുമ്പെടില്ലെന്നും നവ്നീത് കൗര്‍ റാണ പറഞ്ഞു. ഈ കേസില്‍ പുതിയൊരു കീഴ്വഴക്കം സൃഷ്ടിക്കാന്‍ അവര്‍ ആഭ്യന്തരമന്ത്രി അമിത് ഷായോട് ആവശ്യപ്പെട്ടു.
കൊലപാതകവുമായി ബന്ധപ്പെട്ട് ഏഴ് പേരെ അറസ്റ്റ് ചെയ്തിട്ടുണ്ട്. എന്‍ ഐഎയാണ് കേസന്വേഷണം നടത്തുന്നത്. ഏഴ് പ്രതികളെയും കോടതി ജൂലായ് 15 വരെ എന്‍ ഐഎ കസ്റ്റഡിയില്‍ വിട്ടിരിക്കുകയാണ്. ഇര്‍ഫാന്‍ ഖാന്‍, യൂസഫ് ഖാന്‍, ഷൊഹൈബ് ഖാന്‍, മുദാസ്സര്‍ അഹമ്മദ്, ഷാരൂഖ് പത്താന്‍, ആതിബ് റാഷിദ്, അബ്ദുള്‍ തൗഫീഖ് എന്നിവരാണ് കസ്റ്റഡിയിലുള്ളത്.
പ്രതികരിക്കാൻ ഇവിടെ എഴുതുക: