കൊച്ചി: രാജ്യത്തെ എസ്യുവി നിര്മ്മാതാക്കളില് പ്രമുഖരായ മഹീന്ദ്ര ആന്ഡ് മഹീന്ദ്ര ലിമിറ്റഡ് ഏറ്റവും പുതിയ എസ്യുവി സ്കോര്പ്പിയോ-എന് പുറത്തിറക്കി. 11.99 ലക്ഷം രൂപ മുതലാണ് വില ആരംഭിക്കുന്നത്.
പുതിയ മോഡലിന്റെ പെര്ഫോമന്സ്, സാങ്കേതികത, രൂപഭംഗി, റൈഡിങ്, എന്വിഎച്ച്, ഇന്റീരിയറുകള്, അപ്പിയറന്സ് തുടങ്ങിയവ തികച്ചും വ്യത്യസ്തം. ഇറ്റലിയിലെ പിനിന്ഫറിനയിലും മുംബൈയിലെ മഹീന്ദ്ര ഇന്ത്യ ഡിസൈന് സ്റ്റുഡിയോയിലും രൂപകല്പ്പന ചെയ്തതാണ് ഈ വാഹനം. ചെന്നൈയ്ക്ക് സമീപമുള്ള മഹീന്ദ്ര റിസര്ച്ച് വാലിയിലും അമേരിക്കയിലെ മഹീന്ദ്ര നോര്ത്ത് അമേരിക്കന് ടെക്നിക്കല് സെന്ററിലുമുള്ള സാങ്കേതിത വിദഗ്ധരാണ് എഞ്ചിനീയറിങ് പ്രവര്ത്തികള് നിര്വഹിച്ചത്.
അഞ്ച് മുതല് മഹീന്ദ്ര സ്കോര്പ്പിയോ-എന് ടെസ്റ്റ് ഡ്രൈവിനായി 30 പ്രധാന നഗരങ്ങളില് ലഭ്യമാക്കും. ബാക്കിയുള്ള സ്ഥലങ്ങളില് പതിനഞ്ചോടെ ടെസ്റ്റ് ഡ്രൈവ് സൗകര്യമൊരുക്കും. 30 രാവിലെ 11 മുതല് ഓണ്ലൈനായും ഡീലര്ഷിപ്പുകളിലും ബുക്കിങ് ആരംഭിക്കും. കൂടുതല് വിവരങ്ങള്ക്ക് https://auto.mahindra.com/suv/scorpio-n.
