മൈസൂര്‍ : കെഎസ്ആര്‍ടിസിയുടെ സ്വിഫ്റ്റ് ബസ് വീണ്ടും അപകടത്തില്‍ പെട്ടു. അഞ്ച് യാത്രക്കാര്‍ക്ക് പരിക്ക്. കോട്ടയത്തുനിന്ന് ബെംഗളൂരുവിലേക്ക് പുറപ്പെട്ട ബസാണ് അപകടത്തില്‍പ്പെട്ടത്.
പുലര്‍ച്ചെ നാല് മണിയോടെയാണ് മൈസൂരിന് സമീപം നഞ്ചന്‍കോട് വെച്ചാണ് വാഹനം അപകടത്തില്‍ പെട്ടത്. ഡിവൈഡറില്‍ തട്ടി ബസ് മറുവശത്തേക്ക് മറിയുകയായിരുന്നു. 37 യാത്രക്കാരാണ് വാഹനത്തില്‍ ഉണ്ടായിരുന്നത്. അപകടത്തില്‍ ഡ്രൈവര്‍ക്കും അഞ്ച് യാത്രക്കാര്‍ക്കും സാരമായ പരിക്കേറ്റു.
പരിക്കേറ്റവരെ സമീപത്തുള്ള സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്. വാഹനത്തിലുണ്ടായിരുന്നവരെല്ലാം മലയാളികളായിരുന്നു. പരിക്കേറ്റവരില്‍ രണ്ട് സ്ത്രീകളും ഉള്‍പ്പെടും.
പ്രതികരിക്കാൻ ഇവിടെ എഴുതുക