എഡ്ജ് ബാസ്റ്റണ്‍: ലോക ടെസ്റ്റ് ചാമ്പ്യന്മാരായ ന്യൂസിലന്‍ഡിനെതിരെ ടെസ്റ്റ് പരമ്പര തൂത്തുവാരിയതിന് പിന്നാലെ ഇന്ത്യക്ക് മുന്നറിയിപ്പുമായി ഇംഗ്ലണ്ട് ക്യാപ്റ്റന്‍ ബെന്‍ സ്റ്റോക്‌സ്. മറുവശത്ത് ആരെന്നത് പ്രശ്‌നമുള്ള കാര്യമല്ല. ന്യൂസിലന്‍ഡിനെതിരെ കളിച്ചത് പോലെയുള്ള സമീപനം തന്നെയായിരിക്കും ഇനിയുള്ള മത്സരങ്ങളില്‍ സ്വീകരിക്കുക. കിവീസിനെതിരെ കളിച്ചതുപോലെ അക്രമണശൈലിയില്‍ തന്നെ ഇന്ത്യക്കെതിരെയും കളിക്കും. പരമ്പര നേട്ടത്തിന് ശേഷം സ്റ്റോക്‌സ് പറഞ്ഞു. പുതയ പരിശീലകന്‍ ബ്രണ്ടന്‍ മക്കല്ലത്തിന്റെയും, പുതിയ നായകന്‍ ബെന്‍ സ്റ്റോക്‌സിന്റെയും കീഴില്‍ കളിച്ച ആദ്യ പരമ്പര തന്നെ ജയിച്ചാണ് ഇംഗ്ലണ്ട് ഇന്ത്യക്കെതിരെയുള്ള ഏക ടെസ്റ്റ് മത്സരത്തിന് ഇറങ്ങുന്നത്.
കഴിഞ്ഞ വര്‍ഷം ഇന്ത്യക്കെതിരെ നടന്ന അഞ്ച് മത്സര പരമ്പരയിലെ പൂര്‍ത്തിയാകാത പോയ അവസാന മത്സരമാണിത്. വെള്ളിയാഴ്ചയാണ് മത്സരം തുടങ്ങുക. നിലവലില്‍ പരമ്പരയില്‍ ഇന്ത്യ 2-1 ന് മുന്നിലാണുള്ളത്. ആസ്വദിച്ച് കളിക്കാനായാല്‍ ഫലവും അനുകൂലമാകും എന്നതിന് തെളിവാണ് കിവീസിനെതിരെയുള്ള ജയമെന്നും സ്റ്റോക്‌സ് പറഞ്ഞു. മുന്‍പ് കിവീസിനെതിരെ 17 മത്സരങ്ങള്‍ കളിച്ചതില്‍ ഒരെണ്ണം മാത്രമാണ് ഇംഗ്ലണ്ടിന് ജയിക്കാനായത്.
പ്രതികരിക്കാൻ ഇവിടെ എഴുതുക: