കൊച്ചി: ഹരിവരാസന കീര്‍ത്തനം രചിച്ചിട്ട് നൂറ് വര്‍ഷം തികയുകയന്നതിന്റെ ഭാഗമായി ഹരിവരാസന ശതാബ്ദി ആഘോഷ സമിതി സ്വാഗതസംഘം രൂപീകരിച്ചു. കലൂര്‍ പാവക്കുളം ക്ഷേത്ര ഓഡിറ്റോറിയത്തല്‍ നടന്ന യോഗം സ്വാമി ദര്‍ശനാനന്ദ സ്വരസ്വതി, ജസ്റ്റിസ് തോട്ടത്തില്‍ ബി. രാധാകൃഷ്ണന്‍ എന്നിവര്‍ ചേര്‍ന്ന് ദീപം തെളിയിച്ച് ഉദ്ഘാടനം ചെയ്തു.
ശബരിമല അയ്യപ്പ സേവാ സമാജം സംസ്ഥാന അധ്യക്ഷന്‍ അക്കീരമണ്‍ കാളിദാസന്‍ ഭട്ടതിരിപ്പാട് അധ്യക്ഷനായി. ശതാബ്ദി യൂണിവേഴ്സല്‍ ആഘോഷ സമിതി കണ്‍വീനര്‍ ഈറോഡ് രാജന്‍, സാസ് ഉപാധ്യക്ഷന്‍ എസ്.ജെ.ആര്‍. കുമാര്‍ സ്വാമി അയ്യപ്പദാസ്, ഗോശാല വിഷ്ണു വാസുദേവന്‍ നമ്പൂതിരി, അരവിന്ദാഷന്‍ അങ്ങാടിപ്പുറം, മുരളി കൊളങ്ങാട് എന്നിവര്‍ സംസാരിച്ചു.
യോഗത്തില്‍ ജസ്റ്റിസ് തോട്ടത്തില്‍ ബി. രാധാകൃഷ്ണനെ അധ്യക്ഷനായും വിശ്വരൂപനെ വര്‍ക്കിങ് പ്രസിഡന്റായും സ്വാമി അയ്യപ്പദാസിനെ ജനറല്‍ കണ്‍വീനറായും തിരഞ്ഞെടുത്തു. അരവിന്ദാക്ഷന്‍ അങ്ങാടിപ്പുറം, മുരളി കൊളങ്ങാട് ജോയിന്റ് ജനറല്‍ കണ്‍വീനര്‍മാര്‍. സംസ്ഥാന വ്യാപകമായി പതിനെട്ട് മാസം വിവിധ പരിപാടികള്‍ സംഘടിപ്പിക്കും.
പ്രതികരിക്കാൻ ഇവിടെ എഴുതുക: