കൊല്ലം: നീണ്ടകര താലൂക്ക് ആശുപത്രിയില് മൂന്നംഗം സംഘത്തിന്റെ ആക്രമം. കമ്പിയും വടികളും ഉപയോഗിച്ച നടത്തിയ ആക്രമത്തില് നഴ്സ് ശ്യാമിലിക്കും ഡോക്ടര് ഉണ്ണികൃഷ്ണനും ഗുരുതരമായി പരിക്കേറ്റു. ഇവരെ കൊല്ലം ജില്ലാ ആശുപത്രിയിലും പ്രവേശിപ്പിച്ചു.
ആശുപത്രിക്കുള്ളില് മാസ്ക് വയ്ക്കണമെന്ന് നിര്ദ്ദേശിച്ചത് ഇഷ്ടപ്പെടാത്തതിനാലാണ് ആക്രമണമെന്നാണ് പ്രഥാമിക വിവരം. ആക്രമണത്തിനെതിരെ കെജിഎംഒ പ്രതിഷേധവുമായി രംഗത്തെത്തി. ആരോഗ്യപ്രവര്ത്തകര്ക്കെതിരെയുള്ള ആക്രമണം അപലപനീയമാണെന്നും, അക്രമികളെ അറസ്റ്റ് ചെയ്തില്ലെങ്കില് ജില്ലയിലാകെ സമരം വ്യാപിപ്പിക്കുമെന്നും കെജിഎംഒഎ അറിയിച്ചു.
ഫാര്മസിയിലെ ചില്ല് ഗ്ലാസും ഇവര് അടിച്ചു തകര്ത്തു. അതേസമയം പ്രതികളെ തിരിച്ചറിഞ്ഞതായി പോലീസ് വ്യക്തമാക്കി. നീണ്ടകര സ്വദേശികളായ വിഷ്ണു, രതീഷ്, അഖില് എന്നിവരാണ് ആക്രമണത്തിന് പിന്നില്. ഇവര് ഒളിവിലാണെന്നും പോലീസ് പറഞ്ഞു.
