കാബൂള് : അഫ്ഗാനിസ്ഥാന് തലസ്ഥാനമായ കാബൂളിലെ ഗുരുദ്വാര കാര്ത്തെ പര്വാനില് ഭീകരാക്രമണം. ഗുരുദ്വാര സാഹിബ് പരിസരത്തായി ഒന്നിലധികം സ്ഫോടനങ്ങളാണ് റിപ്പോര്ട്ട് ചെയ്തിരിക്കുന്നത്. ഐഎസ് ഖൊറാസാനാണ് ആക്രമണത്തിന് പിന്നിലെന്ന് സംശയം. സംഭവത്തില് അന്വേഷണം തുടങ്ങി.
രാവിലെ 7.15ഓടെയാണ് ആക്രമണം നടന്നത്. ആയുധധാരികള് ഗുരുദ്വാരക്ക് ഉള്ളിലേക്ക് കയറി വെടിയുതിര്ക്കുകയായിരുന്നുവെന്നും റിപ്പോര്ട്ടുകളുണ്ട്. ഗുരുദ്വാര മുഴുവനായി അഗ്നിക്കിരയായതായാണ് റിപ്പോര്ട്ട്. സംഭവത്തില് ഗുരുദ്വാരയുടെ കാവല്ക്കാരന് വെടിയേറ്റ് മരിക്കുകയും മൂന്ന് താലിബാന് സൈനികര്ക്ക് പരിക്കേല്ക്കുകയും ചെയ്തു. പരിക്കേറ്റ രണ്ട് പേരെ ആശുപത്രിയിലേക്ക് മാറ്റി. രണ്ട് അക്രമികളെ താലിബാന് സൈനികര് വളഞ്ഞിരിക്കുകയാണ്.
അതേസമയം കുറഞ്ഞത് 7-8 പേരെങ്കിലും ഇപ്പോഴും ഉള്ളില് കുടുങ്ങിക്കിടക്കുന്നുണ്ടെന്നാണ് നിഗമനം. മുപ്പതോളം അഫ്ഗാന് ഹിന്ദുക്കളും സിഖുകാരും ഗുരുദ്വാരയില് രാവിലെ പ്രഭാത പ്രാര്ത്ഥനക്ക് ഉണ്ടായിരുന്നു. അതിനിടയിലാണ് അക്രമികളെത്തി വെടിവെച്ചത്. ഇതോടെ ചിലര് ഓടി രക്ഷപ്പെടുകയായിരുന്നു.
