പാലക്കാട്:കുഴല്മന്ദത്ത് കെ എസ് ആര് ടി സി ബസ്സിനടിയില്പ്പെട്ട യുവാക്കള് കൊല്ലപ്പെട്ട കേസിന്റെ റിപ്പോര്ട്ട് കോടതിയില് സമര്പ്പിച്ചു. സംഭവത്തില് കെ എസ് ആര് ടി സി ഡ്രൈവര്ക്ക് വീഴ്ച്ച പറ്റിയതായി റിപ്പോര്ട്ടില് പറയുന്നു.ഡ്രൈവറുടെ ജാഗ്രതകുറവ് കൊണ്ടാണ് അപകടം നടന്നതെന്നും, കുറച്ചുകൂടി ജാഗ്രത കാണിക്കേണ്ടതായിരുന്നു എന്നും റിപ്പോര്ട്ടില് പരാമര്ശിക്കുന്നുണ്ട്.ബസ്സ് ഓടിച്ചിരുന്ന ഡ്രൈവര് ഔസേപ്പിനെതിരെ മനപ്പൂര്വമായ നരഹത്യയ്ക്കാണ് കേസ് എടുത്തിരിക്കുന്നത്.
ഫെബ്രുവരി ഏഴിനാണ് സംഭവം നടന്നത്.അപകടത്തില് രണ്ട് യുവാക്കള് മരിച്ചിരുന്നു.ഡ്രൈവര് ഔസേപ്പിനെതിരെ കേസ് എടുത്ത് സ്റ്റേഷന് ജാമ്യത്തില്വിട്ടിരുന്നു.എന്നാല് മരിച്ച യുവാക്കളുടെ ബന്ധുക്കള് നല്കിയ പരാതിയില് അന്വേഷണം നടന്നിരുന്നു.ഇതിന്റെ റിപ്പോര്ട്ടാണ് ഇപ്പോള് സമര്പ്പിച്ചിരിക്കുന്നത്.സിസിടിവി ദൃശ്യങ്ങളുടെയും, ദൃക്സാക്ഷികളുടെയും മൊഴിയുടെ അടിസ്ഥാനത്തിലാണ് റിപ്പോര്ട്ട് തയ്യാറാക്കിയിരിക്കുന്നത്.ഇതിന്റെ അടിസ്ഥാനത്തില് ഔസേപ്പിനെതിരെ നരഹത്യക്ക് കേസ് എടുത്തിരിക്കുന്നത്.ഈ കേസില് പത്ത് വര്ഷം വെര തടവ് ശിക്ഷ ലഭിക്കാം.
അപകടത്തിന് പിന്നാലെ ഔസേപ്പിനെ ജോലിയില് നിന്ന് സസ്പെന്റ് ചെയ്തിരുന്നു.പിന്നീട് ഇയാളുടെ ഡ്രൈവിങ് ലൈസന്സും റദ്ദാക്കി. പീച്ചി സ്വദേശിയാണ് ഔസേപ്പ്.പാലക്കാട് ജില്ലാ ക്രൈം റെക്കോഡ്സ് ബ്യൂറോ ഡി വൈ എസ് പി സുകുമാരന്റെ നേതൃത്വത്തിലാണ് കേസ് അന്വേഷിച്ചത്.
