തൊടുപുഴ: ഒളമറ്റത്ത് മദ്യപിക്കുന്നതിനിടെയുണ്ടായ വാക്ക് തര്‍ക്കത്തിനിടെ യുവാവ് സുഹൃത്തിനെ കല്ല് കൊണ്ട് തലയ്ക്കടിച്ചുകൊന്നു.ഒളമറ്റം സ്വദേശി മജുവാണ് മരിച്ചത്.ഇയാളുടെ സുഹൃത്ത് ഒളമറ്റം സ്വദേശി നോബിള്‍ തോമസിനെ പോലീസ് അറസ്റ്റ് ചെയ്തു.
തിങ്കളാഴ്‌ച്ച രാത്രിയില്‍ ഇവര്‍ ഒരുമിച്ച് മദ്യപിച്ചിരുന്നു.ഇതിനിടെ ഇവര്‍ക്കിടയില്‍ തര്‍ക്കം ഉണ്ടായി.തര്‍ക്കത്തിനിടെ നോബിള്‍ കരിങ്കല്ലെടുത്ത് മജുവിന്റെ തലയ്‌ക്കടിച്ച് കൊലപ്പെടുത്തുകയായിരുന്നു.മജു സ്ഥിരം മദ്യപാനിയാണ്. ഇയാള്‍ നോബിളിനെ സ്ഥിരമായി മര്‍ദ്ദിച്ചിരുന്നു.മജുവിനെ തിരിച്ചടിച്ചതിന്റെ വൈരാഗ്യത്തില്‍ നോബിളിനെ കൊല്ലുമെന്ന് ഭയന്നാണ് നോബിള്‍ മജുവിനെ കൊലപ്പെടുത്തിയതെന്ന് ഇയാള്‍ പോലീസിനോട് പറഞ്ഞു.
നോബിളിള്‍ തൊടുപുഴ പോലീസിന്റെ കസ്റ്റഡിയിലാണ്.മജുവിന്റെ മൃതദേഹം തൊടുപുഴ താലൂക്ക് ആശുപത്രിയില്‍ മോര്‍ച്ചറിയില്‍ സൂക്ഷിച്ചിരിക്കുകയാണ്.
പ്രതികരിക്കാൻ ഇവിടെ എഴുതുക: