ന്യൂദല്ഹി: ദല്ഹിയിലെ ആം ആദ്മി മന്ത്രിയായ സത്യേന്ദര് ജെയിന് കള്ളപ്പണം വെളുപ്പിക്കല് കേസില് തീഹാര് ജയിലിലേക്ക്. ജൂണ് 27 വരെ ഇദ്ദേഹത്തെ ജൂഡീഷ്യല് കസ്റ്റഡിയില് വിടാന് കോടതി ഉത്തരവിട്ടതോടെയാണിത്. അരവിന്ദ് കെജ്രിവാള് മന്ത്രിസഭയിലെ ആരോഗ്യമന്ത്രിയായിരുന്നു.
സത്യേന്ദര് ജയിനെ പുറത്തുവിട്ടാല് തെളിവുകള് നശിപ്പിക്കാനും സാക്ഷികളെ സ്വാധീനിക്കാനും സാധ്യതയുണ്ടെന്ന ഇഡിയുടെ വാദം കോടതി അംഗീകരിച്ചു. നേരത്തെ ഇഡി ഇദ്ദേഹത്തിന്റെ വീട്ടില് നടത്തിയ റെയ്ഡില് മൂന്ന് കോടി രൂപയും 1.8 കിലോഗ്രാം സ്വര്ണ്ണവും പിടിച്ചിരുന്നു.
