അഞ്ചല്: കോണ്ഗ്രസ് നേതാവ് നെട്ടയം രാമഭദ്രന് കൊലക്കേസിലെ രണ്ടാം പ്രതിയും സിപിഎം അഞ്ചല് ഏരിയാ കമ്മിറ്റി അംഗവുമായ ഏരൂര് പത്തടി, തോലൂര്, വടക്കേവിള പുത്തന് വീട്ടില് ജെ.പത്മകുമാറിനെ (52) തൂങ്ങിമരിച്ച നിലയില് കണ്ടെത്തി.
ഞായറാഴ്ച പുലര്ച്ചെയാണ് വീടിന് സമീപത്തെ മരത്തില് ഉടുമുണ്ടില് തൂങ്ങിയ നിലയില് മൃതദേഹം കണ്ടത്. രാഭഭദ്രന് വധക്കേസിന്റെ വിചാരണ പുരോഗമിക്കുന്ന അവസരത്തിലാണ് പ്രധാന പ്രതിയായ സിപിഎം ഉന്നത നേതാവിന്റെ ആത്മഹത്യ എന്നത് ശ്രദ്ധേയമാണ്. കൊലപാതകക്കേസിന്റെ വിചാരണ ആരംഭിക്കാനിരിക്കെ ഗൂഢാലോചനയില് നിന്നും സിപിഎം നേതാക്കളെ അടുത്തിടെ കോടതി ഒഴിവാക്കിയിരുന്നു.
കര്ഷക സംഘം ഏരിയാ സെക്രട്ടറി കൂടിയായ രണ്ടാം പ്രതി പത്മകുമാര് കേസിന്റെ കാര്യത്തില് ആകുലതപ്പെട്ടിരുന്നതായി അടുത്ത സുഹൃത്തുക്കള് പറഞ്ഞു. റനിയാണ് ഭാര്യ. ശിവ, ശിഖ എന്നിവര് മക്കളാണ്.
