പാലക്കാട്: അയല്വാസിയുടെ കുളിമുറിയില് ക്യാമറവെച്ച ബ്രാഞ്ച് സെക്രട്ടറിയെ സസ്പെന്ഡ് ചെയ്തതായി സിപിഎം. സംഭവത്തില് ഷാജഹാനെതിരെ പരാതിയുമായി വീട്ടമ്മ പോലീസ് സ്റ്റേഷനില് എത്തിയത് വാര്ത്തയായതിനെ തുടര്ന്നാണ് നടപടി. പരാതിക്കാരി പാര്ട്ടി പ്രവര്ത്തകയാണ്.
വ്യാഴാഴ്ച വൈകുന്നേരത്തോടെ അയല്വാസിയായ വീട്ടമ്മയുടെ കുളിമുറിയിലാണ് ബ്രാഞ്ച് സെക്രട്ടറി ദൃശ്യങ്ങള് പകര്ത്താന് ശ്രമിച്ചത്. വെന്റിലേഷന്റെ ഭാഗത്ത് ശബ്ദം കേട്ട വീട്ടമ്മ ഒച്ചവെക്കുകയായിരുന്നു. ഓടി രക്ഷപ്പെടുന്നതിനിടയില് ദൃശ്യം പകര്ത്താന് ഉപയോഗിച്ച ഫോണ് പ്രതിയുടെ കൈയ്യില് നിന്നും നിലത്തുവീണു.
ദൃശ്യങ്ങള് പകര്ത്തിയ മൊബൈല് ഫോണ് അടക്കം വീട്ടമ്മ പരാതി നല്കി. മൊബൈല് ഫോണ് പരിശോധനയ്ക്ക് അയക്കുമെന്ന് സൗത്ത് പൊലീസ് അറിയിച്ചു.
പ്രതി ഒളിവിലെന്നാണ് പോലീസ് പറയുന്നത്.
