കോഴിക്കോട്: കോട്ടൂളിയിലെ പെട്രോള്‍ പമ്പില്‍ ജീവനക്കാരനെ കെട്ടിയിട്ടു കവര്‍ച്ച. മുഖംമൂടി ധരിച്ചെത്തിയ കറുത്തവസ്ത്രധാരി 50,000 രൂപ ആണ് പമ്പിലെ ഓഫിസില്‍ നിന്ന് കവര്‍ന്നത്. ജീവനക്കാരനെ മര്‍ദിച്ച് അവശനാക്കിയശേഷം കൈകള്‍ കെട്ടിയിട്ടായിരുന്നു മോഷണം നടത്തിയത്. സിസിടിവി ദൃശ്യങ്ങള്‍ കേന്ദ്രീകരിച്ച് പൊലീസ് അന്വേഷണം തുടരുകയാണ്. വ്യാഴാഴ്ച പുലര്‍ച്ചെ 1.45 ഓടെയാണു കവര്‍ച്ച നടന്നത്.
കെട്ടിടത്തിന്റെ മുകള്‍ നിലയില്‍നിന്ന് മോഷ്ടാവ് ആദ്യം മുളകു പൊടി താഴേക്കു വിതറി. സെക്യൂരിറ്റി ജീവനക്കാരന്‍ മുകളിലേക്കു പോയി നോക്കിയപ്പോള്‍ കള്ളനെ കണ്ടു. ഉടന്‍ തന്നെ താഴേക്ക് ഓടിയ സെക്യൂരിറ്റി ജീവനക്കാരനെ കള്ളന്‍ മര്‍ദിച്ച് അവശനാക്കുകയായിരുന്നു. പിന്നീടു സെക്യൂരിറ്റി ജീവനക്കാരന്റെ കൈകള്‍ കെട്ടിയിട്ട ശേഷം പണം തട്ടിയെടുത്തു മോഷ്ടാവ് രക്ഷപെടുകയായിരുന്നു. രാവിലെയാണു വിവരം പുറത്തറിഞ്ഞത്. തുടര്‍ന്ന് പൊലീസെത്തി. പമ്പിലെയും സമീപത്തെ കടകളിലെയും ദൃശ്യങ്ങള്‍ പൊലീസ് പരിശോധിച്ചു.
പ്രതികരിക്കാൻ ഇവിടെ എഴുതുക: