തലയോലപ്പറമ്പ്: കെഎസ്ആര്ടിസി മുന് എം പാനല് ജീവനക്കാരനെ തൂങ്ങിമരിച്ച നിലയില് കണ്ടെത്തി. ചെമ്പ് ബ്രഹ്മമംഗലം മൂക്കംതറയില് എം.കെ. ഷിബു (53) വിനെയാണ് തിങ്കളാഴ്ച പുലര്ച്ചെ തൂങ്ങിമരിച്ച നിലയില് കണ്ടെത്തിയത്. കുടുംബ പ്രശ്നത്തെ തുടര്ന്നാണ് ജീവനൊടുക്കിയതെന്നാണ് പോലീസ് നല്കുന്ന വിവരം.
പാലാ കെഎസ്ആര്ടിസി ഡിപ്പോയിലെ മുന് എംപാനല് കണ്ടക്ടറായിരുന്നു ഷിബു. ജോലി നഷ്ടപ്പെട്ട ശേഷം നാട്ടില് ഒരു കട നടത്തിയെങ്കിലും പിന്നീട് അതും നിര്ത്തിയിരുന്നു. തലയോലപറമ്പ് പോലീസ് സ്ഥലത്തെത്തി മേല്നടപടികള് സ്വീകരിച്ചു. ഭാര്യ: മഞ്ജു. മക്കള്: മീനാക്ഷി, ഗൗരി പ്രിയ (ഇരുവരും ബിരുദ വിദ്യാര്ഥിനികള്).
