ന്യൂദല്‍ഹി: ദല്‍ഹിക്കാരനായ സുമിത് സൗരഭ് തനിക്കിഷ്ടപ്പെട്ട ദല്‍ഹിയില്‍ റസ്റ്റോറന്‍റില്‍ നിന്നും സൊമാറ്റോ വഴി ഓര്‍ഡര്‍ ചെയ്തത് കോഫി. മിനിറ്റുകള്‍ക്കകം കോഫിയുമായി സൊമാറ്റോക്കാരന്‍ വീട്ടിലെത്തി.
ബില്‍ പേ ചെയ്ത ശേഷം ആവേശത്തോടെ ചൂടാറാത്ത കോഫി ഊതിക്കുടിക്കാന്‍ നോക്കുമ്പോള്‍ കോഫിയില്‍ വറുത്ത കോഴീന്റെ മണം. കോഫിയില്‍ നോക്കിയപ്പോള്‍ ഉള്ളില്‍ ഒരു ചിക്കന്‍ പീസ്. അതോടെ സുമിത് സൗരഭിന് മനംപിരട്ടലുണ്ടായി. ഇനി ഒരിയ്ക്കലും സൊമാറ്റോ വഴി ഫുഡ് ഓര്‍ഡര്‍ ചെയ്യില്ലെന്ന് ശപഥവും എടുത്തു.
സംഭവം വെളിയില്‍ വന്നത്, നിരാശനായ സുമിത് തന്റെ ദുരനുഭവം ട്വിറ്ററില്‍ പങ്കുവെച്ചതോടെയാണ്. കോഫി കപ്പിനൊപ്പം ഒരു ചിക്കന്‍ പീസും അടുത്തടുത്ത് വെച്ചുള്ള ചിത്രവും കൂടി പങ്കുവെച്ചുകൊണ്ടായിരുന്നു ട്വീറ്റ്. ഇതോടെ സംഭവം ചൂടന്‍ ചര്‍ച്ചാവിഷയമായിരിക്കുകയാണ്. താന്‍ സ്ഥിരം കുടിക്കാറുള്ള തേര്‍ഡ് വേവ് ഇന്ത്യയില്‍ നിന്നാണ് സുമിത് തന്റെ പ്രിയ കോഫി സൊമാറ്റോ വഴി ഓര്‍ഡര്‍ ചെയ്തത്.
സംഭവം ചര്‍ച്ചയായതോടെ സൊമാറ്റോയും തേര്‍ഡ് വേള്‍ഡ് റസ്റ്റോറന്‍റും മാപ്പ് പറഞ്ഞു. ആപുകള്‍ വഴി ഭക്ഷണം ഓര്‍ഡര്‍ ചെയ്തതിന്റെ പേരില്‍ മുന്‍പും തനിക്ക് ഇതുപോലുള്ള ദുരനുഭവം ഉണ്ടായിട്ടുണ്ടെന്നും സുമിത് പറഞ്ഞു. നവരാത്രി സമയത്ത് വെജ് ബിരിയാണി ഓര്‍ഡര്‍ ചെയ്തപ്പോള്‍ കിട്ടിയത് ചിക്കന്‍ ബിരിയാണിയായിരുന്നുവെന്ന് മറ്റൊരു അനുഭവവും സുമിത് ട്വിറ്ററില്‍ പങ്കുവെച്ചു. എന്തായാലും ഫുഡ് ഡെലിവറി ആപുകള്‍ക്ക് കനത്ത ആഘാതമാണീ സംഭവം.
പ്രതികരിക്കാൻ ഇവിടെ എഴുതുക: