തിരുവനന്തപുരം: ഊര്ജ്ജ മേഖലയില് അനുദിനം വളര്ന്നു വരുന്ന തൊഴിലവസരങ്ങള് കണക്കിലെടുത്ത് ഉന്നത വിദ്യാഭ്യാസ വകുപ്പിനു കീഴിലുള്ള അസാപ് കേരള, കേന്ദ്ര ഊര്ജ്ജമന്ത്രാലയത്തിനു കീഴിലുള്ള നാഷണല് പവര് ട്രെയിനിംഗ് ഇന്സ്റ്റിറ്റിയൂട്ടുമായി (NPTI) ചേര്ന്ന് പോസ്റ്റ് ഗ്രാജ്വേറ്റ് ഡിപ്ലോമ ഇന് പവര് പ്ലാന്റ് എന്ജിനിയറിങ് പഠനത്തിന് അവസരം ഒരുക്കുന്നു. പഠന ശേഷം തൊഴില് ഉറപ്പു തരുന്ന ഈ കോഴ്സ്, എന്ജിനിയറിങ് ബിരുദധാരികള്ക്ക് പ്രയോജനപ്പെടുത്താം. ആലപ്പുഴ ജില്ലയിലെ ചേര്ത്തലയിലാണ് സ്ഥാപനം സ്ഥിതി ചെയ്യുന്നത്.
പവര് പ്ലാന്റുകളില് എന്ജിനിയര് ആയി തൊഴില് ലഭിക്കാന് സഹായിക്കുന്ന കോഴ്സില് ഇലക്ട്രിക്കല്, മെക്കാനിക്കല്, പവര് അനുബന്ധ എഞ്ചിനീയറിംഗില് 60 ശതമാനത്തില് കുറയാത്ത മാര്ക്ക് നേടിയവര്ക്കു പങ്കെടുക്കാം. വിജയകരമായി കോഴ്സ് പൂര്ത്തിയാക്കുന്നവര്ക്ക് പ്രമുഖ കമ്പനികളില് തൊഴിലവസരവുമുണ്ട്.
മെറിറ്റ് അടിസ്ഥാനത്തില് ആദ്യത്തെ 30 പേര്ക്കാണ് പ്രവേശനം. കോഴ്സ് ഫീസും, മറ്റ് വിവരങ്ങളും അസാപ് കേരള വെബ്സൈറ്റ് ആയ asapkerala.gov.in ല് ലഭിക്കും. കൂടുതല് വിവരങ്ങള്ക്ക്: 9495999709/623.
