തിരുവനന്തപുരം: പതിനാറുകാരിയ പീഡിപ്പിച്ചു ഗര്‍ഭിണിയാക്കിയ ആസാം സ്വദേശി ഷാരൂഖാന്‍ എന്ന് വിളിക്കുന്ന റിബുന്‍ അഹമ്മദിനെ വിളപ്പില്‍ശാല പോലീസ് അറസ്റ്റു ചെയ്തു.പെണ്‍കുട്ടിയുടെ വീട്ടില്‍ ആരുമില്ലാതിരുന്നപ്പോള്‍ ഇയാള്‍ പലതവണ പെണ്‍കുട്ടിയെ പീഡനത്തിനിരയാക്കിയതായി പോലീസ് പറയുന്നു.
പീഡനത്തെത്തുടര്‍ന്ന് ഗര്‍ഭിണിയായ പെണ്‍കുട്ടി പ്രസവിച്ചപ്പോഴാണ് വിവരം പുറത്ത് വന്നത്.പെണ്‍കുട്ടി ഗര്‍ഭിണി ആയതോടെ ഇയാള്‍ ആസാമിലേക്ക് രക്ഷപെട്ടു.ഇയാളുടെ വിവരങ്ങളോ ഫോട്ടോയോ ഇല്ലാത്തതിനാല്‍ ഇയാളെ കണ്ടെത്താന്‍ പോലീസ് വളരെ ബുദ്ധിമുട്ടി.എന്നാല്‍ ഇയാള്‍ കേരളത്തില്‍ വന്ന് പല സ്ഥലങ്ങളിലായി താമസിച്ച് പണിയെടുക്കുകയായിരുന്നു.
അതിഥിതൊഴിലാളികള്‍ താമസിക്കുന്ന സ്ഥലങ്ങള്‍ കേന്ദ്രീകരിച്ച് നടത്തിയ അന്വേഷണത്തിലാണ് ഇയാളെ കണ്ടെത്തിയത്.വിളപ്പില്‍ശാല സ്റ്റേഷന്‍ ഇന്‍സ്‌പെക്ടര്‍ എന്‍.സുരേഷ്‌കുമാര്‍, എസ്.ഐ ഗംഗാപ്രസാദ്, എ.എസ്.ഐ.ആര്‍.വി.ബൈജു, അനന്ദക്കുട്ടന്‍, സി.പി.ഓമാരായ ഹരി, രതീഷ്, അജില്‍, ജയശങ്കര്‍ എന്നിവരാണ് പോലീസ് സംഘത്തില്‍ ഉണ്ടായിരുന്നത്.
പ്രതികരിക്കാൻ ഇവിടെ എഴുതുക: