ഈറോഡ്: 16 കാരിയുടെ അണ്ഡംവിറ്റെന്ന കേസില് മാതാവും, രണ്ടാനച്ഛനും ഉള്പ്പെടെ മൂന്ന് പേര് പിടിയില്.കുട്ടിയുടെ അമ്മ ,ഇവരുടെ രണ്ടാം ഭര്ത്താവ്, ഇടനിലക്കാരിയായി പ്രവര്ത്തിച്ച മാലതി(36) എന്നിവരാണ് പിടിയിലായത്.ഇത്തരത്തിലുളള വമ്പന് സംഘങ്ങളാണ് ഈറോഡ് ഭാഗത്ത് പ്രവര്ത്തിക്കുന്നതെന്ന് പോലീസിന് വിവരം ലഭിച്ചു.
പെണ്കുട്ടിയെ നാല് വര്ഷമായി രണ്ടാനച്ഛന് പീഡിപ്പിക്കുകയും, പെണ്കുട്ടി ഗര്ഭിണിയാവുകയും ചെയ്തിരുന്നു.ഈ കാലയളവില് എട്ട് പ്രവശ്യം പെണ്കുട്ടിയുടെ അണ്ഡം വില്പ്പനനടത്തി എന്നും പെണ്കുട്ടി പോലീസില് പറഞ്ഞു.പ്രായപൂര്ത്തിയാകാത്ത പെണ്കുട്ടിയുടെ വയസ്സ് തിരുത്തി ആധാര് കാര്ഡ് ഉണ്ടാക്കിയാണ് അണ്ഡവില്പ്പന നടത്തിയിരുന്നത്.ഒരു അണ്ഡത്തിന് 20,000 രൂപവരെ ലഭിക്കും, ഇതില് അയ്യായിരം രൂപ ഇടനിലക്കാരിക്കും ലഭിച്ചിരുന്നു.
കുട്ടിയ്ക്ക് രണ്ട് വയസ്സുളളപ്പോള് അച്ഛന് ഇവരെ ഉപേക്ഷിച്ചു പോയതായിരുന്നു.പിന്നീട് അമ്മയ്ക്കും, രണ്ടാനച്ഛനും ഒപ്പമാണ് കുട്ടി താമസിച്ചിരുന്നത്.ഈറോഡ്,സേലം, പെരുന്തുറ, ഹൊസൂര് എന്നിവിടങ്ങളിലെ സ്വകാര്യ വന്ധ്യത ക്ലിനിക്കുകളിലായിരുന്ന വില്പ്പന നടന്നിരുന്നത്.ഇന്സ്പെക്ടര് വിജയ്യുടെ നേതൃത്വത്തിലാണ് അന്വേഷണം നടക്കുന്നത്. മുന്പ് ഈ ഭാഗത്തുനിന്നും നവജാതശിശുക്കളെ വിറ്റിരുന്നതായും കണ്ടെത്തിയിരുന്നു.
