ഷിംല : ഹിമാചല്‍ പ്രദേശിലെ സന്ദര്‍ശന വേളയില്‍ പ്രധാനമന്ത്രി നരേന്ദ്രമോദിക്ക് അമ്മ ഹീരാബെന്നിന്റെ ചിത്രം സമ്മാനമായി നല്‍കി പെണ്‍കുട്ടി. ബിജെപി സര്‍ക്കാരിന്റെ എട്ടാം വാര്‍ഷികത്തോടനുബന്ധിച്ച് ഷിംലയില്‍ പൊതുപരിപാടിയില്‍ പങ്കെടുത്ത് മടങ്ങുന്നതിനിടയാണ് സംഭവം.
താന്‍ വരച്ച ഹീരാബെന്നിന്റെ ചിത്രവുമായി റോഡരികില്‍ പെണ്‍കുട്ടി കാത്ത് നില്‍ക്കുകയായിരുന്നു. അവരുടെ കയ്യിലെ ചിത്രം ശ്രദ്ധിച്ച മോദി വാഹനം നിര്‍ത്തിയിറങ്ങി അത് വാങ്ങുകയായിരുന്നു. പെണ്‍കുട്ടിയോട് കുശലാന്വേഷണം നടത്തിയ മോദി ചിത്രം വാങ്ങി അവരെ ആശീര്‍വദിക്കുകയും ചെയ്തശേഷമാണ് യാത്രയായത്.
മുഖ്യമന്ത്രി ജയ് റാം താക്കൂറിനൊപ്പം ഹിമാചല്‍ പ്രദേശിലെ മാള്‍ റോഡില്‍വെച്ചാണ് പെണ്‍കുട്ടി അദ്ദേഹത്തിന് പെയിന്റിങ് നല്‍കുന്നത്. സംഭവത്തിന്റെ വീഡിയോ ദൃശ്യങ്ങള്‍ സമൂഹമാധ്യമങ്ങളില്‍ വൈറലായിട്ടുണ്ട്. സന്ദര്‍ശനവേളയില്‍ സര്‍ക്കാരിന്റെ വിവിധ പദ്ധതികള്‍ വഴി സഹായം ലഭിച്ച ആളുകളുമായും പ്രധാനമന്ത്രി സംസാരിച്ചു.
പ്രതികരിക്കാൻ ഇവിടെ എഴുതുക: