ശ്രീനഗര്: കശ്മീരില് ഹിന്ദു അധ്യാപികയെ തീവ്രവാദികള് വെടിവച്ചുകൊന്നു. കുല്ഗാം ജില്ലയിലെ ഗോപാല്പോര ഹൈസ്കൂളിലെ അധ്യാപിക രജനി ബാല(35) ആണ് കൊല്ലപ്പെട്ടത്. ജമ്മു, സാംബ സ്വദേശിനായാണ്.
രജനിക്ക് നേരെ ഭീകരര് വെടിയുതിര്ക്കുകയായിരുന്നു. ഗുരുതരമായി പരിക്കേറ്റ രജനിയെ ആശുപത്രിയില് പ്രവേശിപ്പിച്ചെങ്കിലും ജീവന് രക്ഷിക്കാനായില്ല. തീവ്രവാദികള്ക്കായി തെരച്ചില് തുടരുകയാണെന്നും നടപടി ഉടന് ഉണ്ടാകുമെന്നും സുരക്ഷാ ഉദ്യോഗസ്ഥര് വ്യക്തമാക്കി.
കഴിഞ്ഞയാഴ്ച ടിവി താരമായ അമ്രീന് ഭട്ടിനെ ഭീകരര് കൊലപ്പെടുത്തിയിരുന്നു. വീടിന് മുന്നില് നില്ക്കുകയായിരുന്ന അമ്രീന് നേരെ ഭീകരര് വെടിയുതിര്ക്കുകയായിരുന്നു. ആക്രമണത്തില് അമ്രീന്റെ സഹദരി പുത്രന് പരിക്കേല്ക്കുകയും ചെയ്തിരുന്നു.
