ഉണ്ണിമായ ടി.എം
തൊടുപുഴ: അവാര്ഡ് നിശയോടൊപ്പം കനത്ത മഴയുമെത്തിയെങ്കിലും കോരിച്ചൊരിയുന്ന മഴയുടെ ശക്തിക്കും തൊടുപുഴയിലെ കലാസ്വാദകരുടെ നിശ്ചയദാര്ഢ്യത്തെ തടയാനായില്ല. മഴയെ അവഗണിച്ചും ഒട്ടനവധി കലാസ്വാദകര് ജോഷ് പവലിയനിലേക്ക് ഒഴുകിയെത്തി. ഒപ്പം പവലിയനില് ഒരുക്കിയ ചായ സത്കാരം മികച്ച അനുഭൂതി പകര്ന്നെന്ന് ക്ഷണം സ്വീകരിച്ചെത്തിയവര് അഭിപ്രായപ്പെട്ടു.
ടെലിവിഷന് അവാര്ഡ് നിശ തുടങ്ങുന്നതിന് മുമ്പ് തിമിര്ത്ത് പെയ്ത മഴ കലാപരിപാടികള് ആരംഭിച്ചതോടെ നിലച്ചു. നിറഞ്ഞ് കവിഞ്ഞ സദസിലാണ് കലയുടെ കേളികൊട്ട് ഉയര്ന്നത്. മഴയുടെ ഇടയിലൂടെ നനവാര്ന്ന് എത്തിയവര്ക്ക് കവാടത്തിന് സമീപം പ്രവര്ത്തിച്ച ക്യാന്റീനില് നിന്നും ലഭിച്ച ചൂടു ചായയും സ്നാക്സും തണുത്ത അന്തരീക്ഷത്തിലെ ചൂട് സത്കാരമായി മാറി.
