തൊടുപുഴ: താരപ്പകിട്ടിന്റെ വര്‍ണശോഭയില്‍ ജന്മഭൂമി ടെലിവിഷന്‍ അവാര്‍ഡ് നിശ. മുഖ്യാതിഥി ചലച്ചിത്ര താരം ഉണ്ണി മുകുന്ദന്റെ സാന്നിധ്യത്തില്‍ മികച്ച ടിവി താരങ്ങള്‍ക്കുള്ള പുരസ്‌കാരങ്ങള്‍ സമര്‍പ്പിച്ചു. കഴിഞ്ഞ വര്‍ഷത്തെ ജനപ്രിയ ടെലിവിഷന്‍ സീരിയലുകള്‍ക്കുള്ള പുരസ്‌കാരങ്ങളുമായി ‘-‘ദൃശ്യം 2022’ ജോഷ് പവലിയന്‍ ഓഡിറ്റോറിയത്തില്‍ ജന്മഭൂമി മുന്‍ ചീഫ് എഡിറ്റര്‍ പി. നാരായണന്‍ ഉദ്ഘാടനം ചെയ്തു.
മിസോറാം മുന്‍ ഗവര്‍ണര്‍ കുമ്മനം രാജശേഖരന്‍, ജന്മഭൂമി എഡിറ്റര്‍ കെ.എന്‍.ആര്‍. നമ്പൂതിരി, മാനേജിങ് ഡയറക്ടര്‍ എം. രാധാകൃഷ്ണന്‍, ജനറല്‍ മാനേജര്‍ കെ.ബി. ശ്രീകുമാര്‍, നിര്‍മ്മാതാവ് ഭാവചിത്ര ജയകുമാര്‍,തൊടുപുഴ മുനിസിപ്പല്‍ ചെയര്‍മാന്‍ സനീഷ് ജോര്‍ജ്, മഞ്ഞള്ളൂര്‍ പഞ്ചായത്ത് പ്രസിഡന്റ് ആന്‍സി ജോസ്, ആര്‍എസ്എസ് വിഭാഗ് സംഘചാലക് കെ.എന്‍. രാജു, വാര്‍ഡ് കൗണ്‍സിലര്‍ റെയ്സമ്മ സാബു,സ്വാഗതസംഘം ചെയര്‍മാന്‍ വി.കെ. ബിജു, ജനറല്‍ കണ്‍വീനര്‍ എസ്. പദ്മഭൂഷണ്‍, തുടങ്ങിയവര്‍ പങ്കെടുത്തു.
സംവിധായകന്‍ വിഷ്ണുമോഹന്‍, പ്രിയ താരങ്ങളായ കോട്ടയം നസീര്‍, നിതാ പിള്ള, ജനപ്രിയ പരമ്പരകളിലെ താരങ്ങള്‍ തുടങ്ങി നിരവധി പേര്‍ സദസിന് മാറ്റുകൂട്ടി.
നടന്‍ ഉണ്ണിമുകുന്ദനും ടെലിവിഷന്‍ രംഗത്തെ കേരളത്തിന്റെ മിന്നുംതാരങ്ങള്‍ക്കൊപ്പം കോമഡി താരങ്ങളും ചലച്ചിത്ര പിന്നണി ഗായകരും അവാര്‍ഡ് നിശയ്‌ക്ക്മിഴിവേകി. അത്യാധുനിക ലൈറ്റ് ആന്‍ഡ് സൗണ്ട് സംവിധാനങ്ങളില്‍ ഒരുങ്ങിയ വേദിയില്‍ വൈവിധ്യമാര്‍ന്ന കലാപരിപാടികളും ചടങ്ങിനു മാറ്റു കൂട്ടി.
നൃത്തം ഇല്ലാതെ എന്ത് ആഘോഷം എന്ന് ഉറക്കെ വിളിച്ചു പറയുന്ന യുവതലമുറയ്‌ക്കായി ചുവടുകളുമായി എത്തിയത് ശ്രൂതി ലക്ഷ്മിയാണ്.
കോട്ടയം നസീറിന്റെ നേതൃത്വത്തില്‍ അവതരിപ്പിച്ച കോമഡി ഷോ പുരസ്‌കാര നിശയുടെ പ്രത്യേക ആകര്‍ഷണമായി. ടെലിവിഷന്‍ താരങ്ങളുടെ നൃത്ത വിസ്മയങ്ങളും കോമഡി സ്‌കിറ്റുകളും സദസിനെ ഇളക്കിമറിച്ചു.
സംവിധായകന്‍ – മനോജ് ശ്രീലകം (മിസിസ് ഹിറ്റ്‌ലര്‍),നടന്‍ -രാജീവ് പരമേശ്വരന്‍ (സ്വാന്തനം), നടി-അമല ഗിരീശന്‍(ചെമ്പരത്തി),തിരക്കഥ -ജെ.പള്ളാശ്ശേരി(സ്വാന്തനം) , സ്വഭാവ നടന്‍-കോട്ടയം റഷീദ് (പാടാത്ത പൈങ്കിളി, ഏഷ്യാനെറ്റ്), സ്വഭാവ നടി-രഞ്ജുഷ മേനോന്‍ (വിവിധ സീരിയലുകള്‍), താരജോഡി-വിപിന്‍ ജോസ് – അന്‍ഷിത(കൂടെവിടെ, ഏഷ്യാനെറ്റ്), ,ഹാസ്യ നടന്‍-അനീഷ് രവി (അളിയന്‍സ്, കൗമുദി ടിവി), ഹാസ്യ നടി-ശ്രുതി രജനീകാന്ത് (ചക്കപ്പഴം,ഫഌവഴ്‌സ്), ബാലതാരം- കണ്ണന്‍(ചക്കപ്പഴം,ഫഌവഴ്‌സ്) ),പ്രത്യേക ജൂറി പരാമര്‍ശം- ശ്രീദേവി അനില്‍(എന്റെ മാതാവ്, സൂര്യ). മികച്ച സീരിയല്‍- ഗുരുദാസ് ഷേണായ് (കുടുംബവിളക്ക്, ശ്രീമൂവീസ് ഉണ്ണിത്താന്‍-രണ്ടാമത്തെ സീരിയല്‍ ( മഞ്ഞില്‍ വിരിഞ്ഞ പൂവ്), കോമഡി- ഉരുളക്ക് ഉപ്പേരി ടീം എന്നിവര്‍ പുരസ്‌കാരങ്ങള്‍ ഏറ്റുവാങ്ങി.
പുരസ്‌കാര ചടങ്ങിന്റെ മുഖ്യപ്രായോജകര്‍ പുളിമൂട്ടില്‍ സില്‍ക്സ് ആണ്. പവേര്‍ഡ് ബൈ സ്‌പോണ്‍സര്‍ കൊശമറ്റം ഫിനാന്‍സ്, നാഗാര്‍ജുനആയുര്‍വേദിക്, ജോസ്‌ക്കോ ജ്വല്ലേഴ്‌സ്, അജ്മി ഫുഡ്‌സ്, ശ്രീരംഗം സിവിഎന്‍ കളരി ചികിത്സാ കേന്ദ്രം, മഹാറാണി വെഡിങ് കളക്ഷന്‍സ്, ഓക്‌സിജന്‍ ഗ്രൂപ്പ്, അശോക എവിഎല്‍ സൊല്യൂഷന്‍സ്, ടോണി വല്യാലില്‍ അച്ചായന്‍സ് ഗ്രൂപ്പ്, കബനി പാലസ്, വില്ലേജ് ഇന്റര്‍നാഷണല്‍ സ്‌കൂള്‍ എന്നിവരാണ്.
പ്രതികരിക്കാൻ ഇവിടെ എഴുതുക: