ന്യൂദല്ഹി: സ്വാതന്ത്ര്യസമര സേനാനി വിഡി സവര്ക്കര് രാജ്യത്തിന്റെ ധീരപുത്രനും അടിയുറച്ച ദേശീയ വാദിയും ചിന്തകനുമായിരുന്നുവെന്ന് മുന് കോണ്ഗ്രസ് നേതാവ് ഹാര്ദ്ദിക്ക് പട്ടേല്. സവര്ക്കറുടെ ജന്മദിനത്തില് അദേഹം സമൂഹമാധ്യമങ്ങളി പോസ്റ്റ് ചെയ്ത ചിത്രത്തിനൊപ്പമാണ് ഇക്കാര്യം പറഞ്ഞത്. ഗുജറാത്ത് കോണ്ഗ്രസ് വര്ക്കിംഗ് പ്രസിഡന്റ് ആയിരിക്കെയാണ് ഹാര്ദ്ദിക് പാര്ട്ടി വിട്ടത്. സംസ്ഥാന നിയമസഭാ തെരഞ്ഞെടുപ്പ് വരാനിരിക്കെ പാട്ടീദാര് സമര നേതാവ് കൂടിയായിരുന്ന ഹര്ദ്ദിക്ക് കോണ്ഗ്രസ് വിട്ടത് പാര്ട്ടിക്ക് കനത്ത തിരിച്ചടിയായിരുന്നു. 2019 ലോക്സഭാ തെരഞ്ഞെടുപ്പിന് തൊട്ടുമുമ്പാണ് ഹാര്ദിക് പട്ടേല് കോണ്ഗ്രസില് ചേര്ന്നത്.
കോണ്ഗ്രസ് അധ്യക്ഷ സോണിയാ ഗാന്ധിക്ക് അയച്ച രാജിക്കത്തില് നെഹ്റു കുടുംബത്തിനേയും നേതൃത്വത്തേയും ഹാര്ദിക് നിശിതമായി വിമര്ശിച്ചിരുന്നു. ഭാവിയില് ഗുജറാത്തിന്റെ പുരോഗതിക്കായി പ്രവര്ത്തിക്കും. തന്റെ തീരുമാനം ഗുജറാത്തിലെ ജനങ്ങളും തന്റെ സഹപ്രവര്ത്തകരും സ്വീകരിക്കുമെന്ന് വിശ്വസിക്കുന്നതായും രാജി പ്രഖ്യാപിച്ചുകൊണ്ടുള്ള ട്വീറ്റില് ഹാര്ദിക് പറഞ്ഞിരുന്നു.
2019 ലാണ് പട്ടീദാര് സമര നേതാവായ ഹാര്ദിക് പട്ടേല് കോണ്ഗ്രസില് ചേരുന്നത്. 2020 ല് അദേഹം കോണ്ഗ്രസ് ഗുജറാത്ത് ഘടകം വര്ക്കിംഗ് പ്രസിഡന്റായി നിയമിതനായി. കുറച്ചുകാലങ്ങളായി കോണ്ഗ്രസിനേയും നേതൃത്വത്തേയും നിരന്തരം വിമര്ശിച്ചുകൊണ്ട് പൊതുവേദികളില് പ്രത്യക്ഷപ്പെട്ടിരുന്നു. കോണ്ഗ്ര്സ് വര്ക്കിങ് പ്രസിഡന്റായി തുടരുമ്പോഴും പാര്ട്ടി കാര്യങ്ങളൊന്നും തന്നെ അറിയിക്കുന്നില്ല എന്നതായിരുന്നു ഹാര്ദിക്ക് പട്ടേലിന്റെ ആരോപണം.
താന് വ്യക്തിപരമായി രാമക്ഷേത്ര നിര്മ്മാണത്തെ പിന്തുണയ്ക്കുന്നതായി അടുത്തിടെ ഹാര്ദിക് വെളിപ്പെടുത്തിയിരുന്നു. ഹിന്ദുവായതില് അഭിമാനിക്കുന്നയാളാണ് താനെന്നും അദേഹം ഗുജരാത്തി പത്രത്തിന് നല്കിയ അഭിമുഖത്തില് വെളിപ്പെടുത്തി. 370 ആം വകുപ്പ് പിന്വലിച്ച കേന്ദ്ര സര്ക്കാര് നടപടിയേയും ഹാര്ദിക് പട്ടേല് പ്രശംസിച്ചു.
