കൊപ്പല്: സംസ്ഥാനത്തെ എല്ലാ വിദ്യാഭ്യാസ സ്ഥാപനങ്ങളിലും യൂണിഫോം മാത്രമേ അനുവദിക്കൂയെന്ന് കര്ണാടക വിദ്യാഭ്യാസ മന്ത്രി ബി.സി. നാഗേഷ്. ദക്ഷിണ കന്നഡ ജില്ലയില് ഹിജാബ് വിവാദം വീണ്ടും ഉയര്ന്നുവരുന്നതിനിടയിലാണ് വിദ്യാഭ്യാസ മന്ത്രിയുടെ പ്രതികരണം.
ഹിജാബ് ധരിച്ച് ക്ലാസ് മുറികളില് ഇരിക്കുന്നതിനെതിരെ വ്യാഴാഴ്ച മംഗളൂരു സര്വകലാശാലാ കോളജില് നൂറുകണക്കിന് വിദ്യാര്ഥികളുടെ പ്രതിഷേധം നടന്നിരുന്നു. കോടതിയും സര്ക്കാരും ഉത്തരവിട്ടിടും ഇത് അനുവദിച്ചതില് വിദ്യാര്ഥികള് അധികൃതരോട് അമര്ശം പ്രകടിപ്പിച്ചിരുന്നു. അതിന് പിന്നാലെയാണ് അദ്ദേഹം പ്രതികരണവുമായി എത്തിയത്. വിഷയത്തില് കര്ണാടക ഹൈക്കോടതിയുടെ ഉത്തരവ് പാലിക്കുമെന്നും അദ്ദേഹം കൂട്ടിച്ചേര്ത്തു.
