കൊല്ലം: പത്താനാപുരത്ത് സെല്‍ഫി എടുക്കുന്നതിനിടെ മൂന്ന് കുട്ടികള്‍ പുഴയില്‍വീണ് ഒഴുക്കില്‍പ്പെട്ടു. കല്ലടയാറ്റില്‍ വീണ മൂന്ന് കുട്ടികളില്‍ രണ്ടുപേരെ രക്ഷപ്പെടുത്തി. മൂന്നാമത്തെ കുട്ടിക്കായുള്ള തിരച്ചില്‍ തുടരുകയാണ്. അനുഗ്രഹ, സഹോദരന്‍ അഭിനവ് എന്നിവരാണ് രക്ഷപ്പെട്ടത്. കൂടല്‍ സ്വദേശിയായ അപര്‍ണയെയാണ് കാണാതായത്.
ഇന്ന് ഉച്ചയോടെയാണ് അപകടം സംഭവിച്ചത്. പത്തനാപുരത്തുള്ള സുഹൃത്തിന്റെ വീട്ടിലെത്തിയതായിരുന്നു പെണ്‍കുട്ടികള്‍. ഉച്ചഭക്ഷണം കഴിച്ച ശേഷം സമീപത്തെ പുഴയ്‌ക്ക് സമീപമെത്തി സെല്‍ഫി എടുക്കുന്നതിനിടെയായിരുന്നു അപകടം സംഭവിച്ചത്. മൂന്ന് പേരും പുഴയിലേക്ക് വീഴുകയായിരുന്നു. രണ്ടുപേരെ രക്ഷിച്ചെങ്കിലും ഒരാള്‍ ഒഴുക്കില്‍പ്പെടുകയായിരുന്നു. പുഴയ്‌ക്ക് ആഴം കൂടിയ പ്രദേശത്താണ് പെണ്‍കുട്ടികള്‍ വീണത്. നാട്ടുകാരും അഗ്‌നിരക്ഷാ സേനയും തിരച്ചില്‍ തുടരുകയാണ്.
പ്രതികരിക്കാൻ ഇവിടെ എഴുതുക: