പാലക്കാട്: ലോഡ്ജില് സിനിമ പ്രവര്ത്തകര് തമ്മിലുണ്ടായ വാക്കേറ്റത്തിനിടെ ഒരാള്ക്ക് കഴുത്തിന് കുത്തേറ്റു.വടകര സ്വദേശി ഷിജാബിനാണ് കുത്തേറ്റത്.ഇയാള്ക്കൊപ്പം താമസിച്ചിരുന്ന നേമം സ്വദേശി ഉത്തമനെ പാലക്കാട് സൗത്ത് പോലീസ് അറസ്റ്റ് ചെയ്തു.
പാലക്കാട് കെഎസ്ആര്ടിസി സ്റ്റാന്റിന് സമീപമുളള സിറ്റി ലോഡ്ജിലാണ് സിനിമപ്രവര്ത്തകരായ ഇവര് താമസിച്ചിരുന്നത്.വെളളിയാഴ്ച്ച പുലര്ച്ചെ നാല് മണിയ്ക്ക് രണ്ട് പേരും ലോഡ്ജിലെത്തി.തൊട്ടുപിന്നാലെ ഇരുവരും തമ്മില് വാക്കേറ്റമുണ്ടായി.വഴക്കിനിടെ ഉത്തമന് ഷിജാബിനെ കത്തിയെടുത്തുകുത്തി.കഴുത്തില് ആഴത്തില് മുറിവേറ്റ ഷിജാബ് തൃശ്ശൂര് മെഡിക്കല്കോളജില് ചികിത്സയിലാണ്. വാക്കേറ്റത്തിന്റെ കാരണം വ്യക്തമല്ല.
