കൊച്ചി : സംസ്ഥാനത്തെ കാലവര്ഷത്തിന്റെ ഗതിയില് മാറ്റം സംഭവിച്ചതായി പഠനം. ഈ വര്ഷം മിന്നല് പ്രളയത്തിന് ഇടയാക്കുന്ന മേഘവിസ്ഫോടനം ഉണ്ടായേക്കാമെന്നും പഠനം. കൊച്ചി കുസാറ്റിലെ ശാസ്ത്ര സംഘത്തിന്റെ ഈ കണ്ടെത്തല് നേച്ചര് മാഗസിന് പ്രസിദ്ധീകരിച്ചു. വിദേശ സര്വകലാശാലകളിലെ അധ്യാപരകടക്കം സഹകരിച്ചാണ് പഠന റിപ്പോര്ട്ട് തയ്യാറാക്കിയത്.
അപ്രതീക്ഷിത മേഘ വിസ്ഫോടനത്തിനും സാധ്യതയുണ്ട്. ഇത് മിന്നല് പ്രളയത്തിനും വഴിവെച്ചേക്കും. കേരള തീരത്ത് രൂപപ്പെടുന്ന കൂമ്പാര മേഘങ്ങളാണ് മേഖ വിസ്ഫോടനത്തിനുള്ള കാരണം. രണ്ട് മണിക്കൂറിനുള്ളില് 20 സെന്റി മീറ്റര് വരെ മഴ പെയ്യാം.
കുസാറ്റ് കാലവസ്ഥ കേന്ദ്രം ഡയറക്ടര് ഡോ. അഭിലാഷിന്റെ നേതൃത്വത്തിലായിരുന്നു പഠനം. 1980- 99, 2000- 2019 എന്നീ കാലയളവ് അടിസ്ഥാനമാക്കി നടത്തിയ പഠനത്തിലാണ് മാറ്റം തിരിച്ചറിഞ്ഞത്. അറബിക്കടലിന്റെ അടിത്തട്ട് അസാധാരണമാംവിധം ചൂട് പിടിക്കുന്നതടക്കമുള്ള കാരണങ്ങളാണ് കാലാവസ്ഥ മാറ്റത്തിന് പിന്നില്.
