കൊച്ചി : താന്‍ എഐസിസി അംഗമാണ്. Â കോണ്‍ഗ്രസ്സില്‍ നിന്ന് പുറത്താക്കേണ്ടത് എഐസിസിയാണ്. ഇത് സംബന്ധിച്ച് ഔദ്യോഗിക അറിയിപ്പൊന്നും ലഭിച്ചിട്ടില്ല. കെപിസിസി അധ്യക്ഷന്‍ കെ. സുധാകരന്‍ നുണ പറയുകയാണെന്ന് കെ.വി.തോമസ്. കോണ്‍ഗ്രസ് പാര്‍ട്ടിയില്‍ നിന്നും പുറത്താക്കിയത് സംബന്ധിച്ച് പ്രതികരിക്കുകയായിരുന്നു അദ്ദേഹം. Â
സിപിഎം പാര്‍ട്ടി കോണ്‍ഗ്രസ്സിലെ സെമിനാറില്‍ പങ്കെടുത്തതിന് പിന്നാലെ കെ.ിവി തോമസിനെതിരെ സംസ്ഥാന കോണ്‍ഗ്രസ്സില്‍ എതിര്‍പ്പ് ഉയരുകയും അച്ചടക്ക നടപടി സ്വീകരിക്കുകയും ചെയ്തിരുന്നു. ബുധനാഴ്ച തൃക്കാക്കരയില്‍ മുഖ്യമന്ത്രി പിണറായി വിജയനൊപ്പം കണ്‍വെന്‍ഷനില്‍ പങ്കെടുത്ത് ഇടത് സ്ഥാനാര്‍ത്ഥിക്ക് വേണ്ടി പ്രചാരണം നടത്തിയതിന് പിന്നാലെയാണ് പാര്‍ട്ടിയില്‍ നിന്നും പുറത്താക്കിയതായി കെ. സുധാകരന്‍ അറിയിച്ചത്. ഇനി കാത്തിരിക്കാന്‍ കഴിയില്ലെന്നും തോമസിന് തൃക്കാക്കരയില്‍ ഒരു ചുക്കും ചെയ്യാനാകില്ലെന്നും പാര്‍ട്ടിയില്‍ നിന്നും പുറത്താക്കിക്കൊണ്ട് സുധാകരന്‍ അറിയിച്ചു. Â
കോണ്‍ഗ്രസ് സംസ്‌കാരത്തില്‍ നിന്നും മാറാന്‍ തനിക്ക് കഴിയില്ല. അതിനാല്‍ താന്‍ എല്‍ഡിഎഫിലേക്ക് പോകാന്‍ ആഗ്രഹിക്കുന്നില്ല. Â കോണ്‍ഗ്രസ് പ്രസക്തി നഷ്ടപ്പെട്ട് Â അസ്തികൂടമായി മാറി. സ്വതന്ത്രമായി നില്‍ക്കാനാണ് തന്റെ തീരുമാനമെന്നും കെ വി തോമസ് കൂട്ടിച്ചേര്‍ത്തു. Â
അതേസമയം കെവി. തോമസ് പാര്‍ട്ടിയെ നിരന്തരം വെല്ലുവിളിച്ചിട്ടും കെപിസിസി ഇതുവരെ അവഗണിച്ചു വിട്ടു. അച്ചടക്കലംഘനത്തിന്റെ എല്ലാ അതിരും ലംഘിച്ചു. തൃക്കാക്കരയില്‍ ഇടത് സ്ഥാനാര്‍ത്ഥിക്ക് വേണ്ടി ഇറങ്ങി മുഖ്യമന്ത്രിയെ പുകഴ്‌ത്തി കോണ്‍ഗ്രസ് നേതാക്കളെ വിമര്‍ശിച്ചതോടെയാണ് ഇപ്പോള്‍ പുറത്താക്കാല്‍ നടപടി സ്വീകരിച്ചിരിക്കുന്നത്. ഒമ്പത് വര്‍ഷത്തെ ഇടവേളക്ക് ശേഷം കോണ്‍ഗ്രസ് ചിന്തന്‍ ശിബിരം ഇന്ന് തുടങ്ങാനിരിക്കേയാണ് കെ.വി. തോമസിനെ പാര്‍ട്ടിയില്‍ നിന്നും പുറത്താക്കിയിരിക്കുന്നത്. Â
Â
Â
Â
Â
Â
പ്രതികരിക്കാൻ ഇവിടെ എഴുതുക: