പ്രായപൂര്‍ത്തികയാകാത്ത പെണ്‍കുട്ടികളെ കൊണ്ട് വീട്ടു ജോലി ചെയ്യിപ്പിച്ചതിനു നടി മുംതാജിനെതിരെ പോലീസ് കേസെടുത്തു. ബാലവേല നിയമ പ്രകാരമാണ് കേസ് രജിസ്റ്റര്‍ ചെയ്തിരിക്കുന്നത്.
കഴിഞ്ഞ ദിവസമാണ് ഒരു പെണ്‍കുട്ടി പോലീസ് കണ്‍ട്രോള്‍ റൂമിലേക്ക് വിളിച്ച് തങ്ങളെ രക്ഷിക്കണമെന്ന് അഭ്യര്‍ത്ഥിക്കുന്നത്. മുംതാജും കുടുംബവും തന്നെ ഉപദ്രവിക്കുന്നു എന്നായിരുന്നു പെണ്‍കുട്ടി പറഞ്ഞത്. തുടര്‍ന്ന് പോലീസ് സംഭവസ്ഥലത്ത് എത്തി. പരാതി നല്‍കിയ പെണ്‍കുട്ടിയും സഹോദരിയും ആറ് വര്‍ഷം കൊണ്ട് മുംതാജിന്റെ വീട്ടില്‍ ജോലി ചെയ്യുകയാണ്.
ചെന്നൈയിലെ അണ്ണാ നഗറില്‍ സഹോദരനും കുടുംബത്തിനുമൊപ്പം ആണ് മുംതാസ് താമസിക്കുന്നത്. കഴിഞ്ഞ ആറ് വര്‍ഷത്തോളമായി പെണ്‍കുട്ടിയും സഹോദരിയും മുംതാജിന്റെ വീട്ടില്‍ ജോലിക്ക് നില്‍ക്കുന്നുവെന്നും തങ്ങള്‍ക്ക് തിരികെ നാട്ടിലേക്ക് പോകണമെന്ന് പറഞ്ഞപ്പോള്‍ തങ്ങളെ ഒരുപാട് ഉപദ്രവിച്ചെന്നും പെണ്‍കുട്ടികള്‍ പോലീസിനോട് പറഞ്ഞു. ഉത്തര്‍പ്രദേശ് സ്വദേശികളായ പെണ്‍കുട്ടികള്‍ക്ക് 19ും 17ും വയസ്സാണ് പ്രായം.
പെണ്‍കുട്ടികള്‍ നല്‍കിയ പരാതിയുടെ അടിസ്ഥാനത്തില്‍ മുംതാജിനെതിരെ പോലീസ് കേസെടുത്തിരിക്കുകയാണ്. നിലവില്‍ സര്‍ക്കാരിന്റെ ഉടമസ്ഥതയിലുള്ള സ്ഥാപനത്തില്‍ പെണ്‍കുട്ടികളെ പാര്‍പ്പിച്ചിരിക്കുന്നത്.
Â
പ്രതികരിക്കാൻ ഇവിടെ എഴുതുക: