ലണ്ടന്‍: കിരീടപ്പോരാട്ടത്തില്‍ മാഞ്ചസ്റ്റര്‍ സിറ്റിയെ വിടാതെ പിടിക്കുകയാണ് ലിവര്‍പൂള്‍. ഒരു വിജയം പിന്നിലാണെങ്കിലും വരും മത്സരങ്ങളില്‍ അത്ഭുതം സംഭവിക്കുമെന്ന പ്രതീക്ഷയില്‍ ഇംഗ്ലീഷ് പ്രീമിയര്‍ ലീഗില്‍ പോരാട്ടം തുടരുന്നു. ആസ്റ്റണ്‍ വില്ലയെ ഒന്നിനെതിരെ രണ്ട് ഗോളുകള്‍ക്ക് തോല്‍പ്പിച്ച് പോയിന്റ് പട്ടികയില്‍ സിറ്റിക്കൊപ്പമെത്തി. എന്നാല്‍ ഒരു കളി കൂടുതല്‍ കളിച്ച ലിവര്‍പൂളിന് കിരീട സാധ്യത വിരളമാണ്.
മൂന്നാം മിനിറ്റില്‍ ആസ്റ്റണ്‍വില്ലയാണ് ആദ്യം ഗോളടിച്ചത്. ഡഗ്ലസ് ലൂയിസ് ലീഡ് നല്‍കിയതോടെ മറുവശത്ത് ലിവര്‍പൂള്‍ ആക്രമണം ശക്തമാക്കി. ആറാം മിനിറ്റില്‍ ജോയല്‍ മാറ്റിപ്പ് സമനില നല്‍കി. രണ്ടാം പകുതിയില്‍ സാദിയോ മാനെ 65-ാം മിനിറ്റില്‍ വിജയഗോള്‍ നേടി. ഇതോടെ നിര്‍ണായക മത്സരത്തില്‍ വിജയിച്ച് ലിവര്‍പൂള്‍ പ്രതീക്ഷ കാത്തു. മത്സരത്തില്‍ മികച്ച പ്രകടനം നടത്തിയത് ലിവര്‍പൂളാണ്. 12 തവണ ഗോളിനായി ശ്രമിച്ചു.
പ്രതികരിക്കാൻ ഇവിടെ എഴുതുക: