മുംബൈ: ഐപിഎല്ലില്‍ ചെന്നൈ സൂപ്പര്‍ കിങ്‌സ് താരം രവീന്ദ്ര ജഡേജക്ക് ശേഷിക്കുന്ന മത്സരങ്ങള്‍ നഷ്ടമായേക്കും. താരത്തിന് പരിക്കേറ്റെന്നും ചികിത്സയിലാണെന്നും റിപ്പോര്‍ട്ടുണ്ട്. ദല്‍ഹി കാപിറ്റല്‍സുമായുള്ള ചെന്നൈയുടെ കഴിഞ്ഞ മത്സരത്തില്‍ ജഡേജ കളിച്ചിരുന്നില്ല. മൂന്ന് മത്സരങ്ങളാണ് ചെന്നൈയ്‌ക്കു ബാക്കിയുള്ളത്.
റോയല്‍ ചലഞ്ചേഴ്സ് ബെംഗളരുവിനെതിരായ മത്സരത്തിലാണ് ജഡേജയ്ക്ക് പരിക്കേറ്റത്. ഇന്ന് മുംബൈ ഇന്ത്യന്‍സിനെതിരെയാണ് ചെന്നൈയുടെ അടുത്ത മത്സരം. സീസണ്‍ തുടങ്ങുമ്പോള്‍ ചെന്നൈയുടെ ക്യാപ്റ്റനായിരുന്ന ജഡേജക്ക് മികച്ച പ്രകടനം നടത്താനായിട്ടില്ല. ടീം തുടര്‍ തോല്‍വികള്‍ ഏറ്റുവാങ്ങുകയും പ്രകടനം മോശമാവുകയും ചെയ്തതോടെയാണ് ജഡേജ നായകസ്ഥാനം വിട്ടത്. 10 മത്സരങ്ങള്‍ കളിച്ച ജഡേജയ്ക്ക് നേടാനായത് 116 റണ്‍സ് മാത്രം. വീഴ്‌ത്തിയത് അഞ്ച് വിക്കറ്റ്.
പ്രതികരിക്കാൻ ഇവിടെ എഴുതുക: