പാരിപ്പള്ളി: ജില്ലയില്‍ ഡെങ്കിപ്പനി പടരുന്ന സാഹചര്യത്തില്‍ ബോധവല്‍ക്കരണവുമായി വീടുവീടാന്തരം കയറിയിറങ്ങി അമൃതയിലെ സ്റ്റുഡന്റ് പോലീസ്. പാരിപ്പള്ളി പ്രാഥമിക ആരോഗ്യകേന്ദ്രത്തിന്റെ സഹകരണത്തോടെയായിരുന്നു പരിപാടി.
നാലു ടീമുകളായി തിരിഞ്ഞ് കോട്ടയ്‌ക്കേറം, കടമ്പാട്ടുകോണം, ചാവര്‍കോട്, എഴിപ്പുറം എന്നീ വാര്‍ഡുകളിലെ മുന്നൂറോളം വീടുകള്‍ സന്ദര്‍ശിച്ചു. ഓരോ വീട്ടിലും കൊതുകിന്റെ ഉറവിട നശീകരണം, ബോധവല്‍ക്കരണം, ലഘുലേഖാവിതരണം എന്നിവ നടത്തി. കൂടാതെ വീട്ടുകാരില്‍ നിന്നും വിവരശേഖരണവും നടത്തി. രാവിലെ പാരിപ്പള്ളി പ്രാഥമിക ആരോഗ്യ കേന്ദ്രത്തില്‍ ഡോ. പ്രശാന്ത് പരിപാടിയുടെ ഉദ്ഘാടനം നിര്‍വ്വഹിച്ചു.
ജൂനിയര്‍ എച്ച്‌ഐ ചിത്ര, സിപിഒമാരായ എ. സുഭാഷ്ബാബു, ബിന്ദു എന്‍.ആര്‍, എഎസ്എന്‍ഒ രാജേഷ് ബി, ഡബ്‌ള്യൂഡിഐ ബിന്ദു, ആശ വര്‍ക്കര്‍മാരായ ഇര്‍ഷിത, ഉഷ, അജി, അനിത എന്നിവര്‍ നേതൃത്വം നല്‍കി.
പ്രതികരിക്കാൻ ഇവിടെ എഴുതുക: