ന്യൂദല്‍ഹി: സൗത്ത് ദല്‍ഹി മുന്‍സിപ്പല്‍ കോര്പ്പറേഷന് ഷഹീന്‍ബാഗിലെ കയ്യേറ്റങ്ങള്‍ ഒഴിപ്പിക്കാന്‍ സ്വീകരിക്കുന്ന നടപടികളില്‍ നേരിട്ട്‌ ഇടപെടില്ലെന്ന് സുപ്രീംകോടതി. ജസ്റ്റിസ് എല്‍ നാഗേശ്വര റാവു, ബിാര്‍ ഗവായ് എന്നിവര്‍ അടങ്ങിയ ബെഞ്ചാണ് ഹര്‍ജി നല്‍കിയവര്‍ക്ക് മറുപടി നല്‍കിയത്. പരാതിക്കാര്‍ക്ക് ഹൈക്കോടിയെ സമീപിക്കാമെന്നും കോടതി പറഞ്ഞു.
വിഷയത്തില്‍ രാഷ്‌ട്രീം കളിക്കാന്‍ നോക്കിയ സിപിഎമ്മിനെ കോടതി നിശിതമായി വിമര്‍ശിച്ചു. ഹര്‍ജിയുമായി വരേണ്ടത് വിഷയത്തില്‍ പ്രശ്‌നമുണ്ടാകുന്നവരാണ്. രാഷ്ട്രീയം കളിക്കേണ്ട സ്ഥലമല്ലെന്നും കോടതി പറഞ്ഞു.
വിമര്‍ശനം നേരിട്ടതോടെ സിപിഎം ഹര്‍ജി പിന്‍വലിച്ചു. രാഷ്‌ട്രീയ ലക്ഷ്യത്തോടെയാണ് ഹര്‍ജി നല്‍കിയിരിക്കുന്നതെന്ന് കേന്ദ്രസര്‍ക്കാരും കോടതിയില്‍ വാദിച്ചു.
ഇന്ന് പുലര്‍ച്ചയോടെയാണ് ഷഹീന്‍ബാഗിലെ അനധികൃത നിര്‍മ്മാണങ്ങള്‍ പൊളിക്കാന്‍ ബുള്‍ഡോസറുകളുമായി കോര്പ്പറേഷന് അധികൃതര്‍ എത്തിയത്. പ്രതിഷേധവുമായി ഒരു വിഭാഗം രംഗത്തുവന്നതോടെ നടപടി തടസ്സപ്പെടുകയായിരുന്നു.
വ്യാഴാഴ്ച തന്നെ പൊളിച്ചുമാറ്റല്‍ നടപടി ആരംഭിക്കാന്‍ ശ്രമിച്ചിരുന്നു. എന്നാല്‍ മതിയായ സുരക്ഷ നല്‍കാന്‍ പോലീസ് സേനയ്‌ക്ക് സാധിക്കാത്തതിനാല്‍ ശ്രമം ഉപേക്ഷിക്കുകയായിരുന്നു. സൗത്ത് ദല്‍ഹി മുന്‍സിപ്പല്‍ കോര്പ്പറേഷന് കീഴിലെ തുഗ്ലകാ ബാദ്, സംഗംവിഹാര്‍, ഷഹീന്‍ബാഗ് എന്നിവിടങ്ങളിലെ കുടിയേറ്റങ്ങളാണ് പ്രധാനമായും ഒഴിപ്പിക്കുന്നത്.
Â
പ്രതികരിക്കാൻ ഇവിടെ എഴുതുക: