ന്യൂദല്‍ഹി: ഭാരത് ബയോടെക്കിന്റെ കൊവാക്‌സിന്‍ കുട്ടികളില്‍ ഉപയോഗിക്കുന്നതിന് അടിയന്തിരാനുമതി. ആറ് മുതല്‍ 12 വയസ്സുവരെയുള്ള കുട്ടികളില്‍ അടിയന്തിരമായി ഉപയോഗിക്കുന്നതിനാണ് ഡിസിജിഐ അനുമതി നല്‍കിയിരിക്കുന്നത്.
അഞ്ച് മുതല്‍ 12 വയസ്സുവരെ പ്രായമുള്ള കുട്ടികളില്‍ കോര്‍ബൈവാക്‌സ് വാക്‌സിന്‍ ഉപയോഗത്തിന് ഡിസിജിഐ നേരത്തെ അനുമതി നല്‍കിയതാണ്. അതിനുശേഷമാണ് കോവാക്സിന് അനുമതി ലഭിച്ചിരിക്കുന്നത്. വാര്‍ത്താ ഏജന്‍സിയാണ് ഇതുസംബന്ധിച്ചുള്ള വിവരങ്ങള്‍ പുറത്തുവിട്ടത്.
കുട്ടികളില്‍ വാക്‌സിന്‍ ഉപയോഗിക്കുന്നത് സംബന്ധിച്ചുള്ള വിവരങ്ങള്‍ പതിനഞ്ച് ദിവസത്തിനുള്ളില്‍ സമര്‍പ്പിക്കാന്‍ ഡിസിജിഐ ഭാരത് ബയോടെക്കിനോട് ആവശ്യപ്പെട്ടിട്ടുണ്ട്. ആദ്യ രണ്ട് മാസത്തേയ്‌ക്ക് 15 ദിവസം കൂടുമ്പോള്‍ വീതം റിപ്പോര്‍ട്ട് സമര്‍പ്പിക്കാനാണ് ആവശ്യപ്പെട്ടിരിക്കുന്നത്.
പ്രതികരിക്കാൻ ഇവിടെ എഴുതുക: