തിരുവനന്തപുരം: ഏപ്രില്‍ 29ന് നിശ്ചയിച്ചിരുന്ന കേന്ദ്ര ആഭ്യന്തര മന്ത്രി അമിത്ഷായുടെ കേരള സന്ദര്‍ശനം ചില ഔദ്യോഗിക കാരണങ്ങളാല്‍ നീട്ടി വെച്ചതായി ബിജെപി സംസ്ഥാന അദ്ധ്യക്ഷന്‍ കെ.സുരേന്ദ്രന്‍ അറിയിച്ചു. പുതുക്കിയ തിയ്യതി വൈകാതെ അറിയിക്കും.
കേരളത്തിലെ പട്ടികജാതി വിഭാഗത്തോടുള്ള അവഗണനയ്‌ക്കും അടിച്ചമര്‍ത്തലിനുമെതിരെ സംഘടിപ്പിക്കുന്ന പട്ടികജാതി സംഗമത്തില്‍പങ്കെടുക്കാനാണ് അമിത് ഷാ പ്രധാനമായും കേരളത്തില്‍ എത്താനിരുന്നത്. കവടിയാര്‍ ഉദയ് പാലസിലായിരുന്നു സംഗമം. പട്ടികജാതിവിഭാഗത്തില്‍പ്പെട്ട പ്രവര്‍ത്തകരും വിവിധ പട്ടികജാതി സംഘടനാ നേതാക്കളും പ്രമുഖവ്യക്തികളും പട്ടികജാതിസംഗമത്തില്‍ പങ്കെടുക്കുമെന്നാണ് പാര്‍ട്ടി അറിയിട്ടിരുന്നു. വൈകിട്ട് നാലിന് ശംഖുംമുഖത്ത് പൊതുസമ്മേളനവും തീരുമാനിച്ചിരുന്നു. വൈകിട്ട് ആറിന് ഹോട്ടല്‍ ഹൈസിന്തില്‍ പ്രമുഖ വ്യക്തികളുമായുള്ള കൂടിക്കാഴ്ചയ്‌ക്കുശേഷം രാത്രി 9.30ന് അദ്ദേഹം ദല്‍ഹിയിലേക്ക് തിരിക്കാനായിരുന്നു പദ്ധതി.
പ്രതികരിക്കാൻ ഇവിടെ എഴുതുക: