തന്റെ വാക്ക് വെറുംവാക്കല്ലെന്ന് തെളിയിച്ച് സൂപ്പര്‍താരം സുരേഷ്‌ഗോപി. താന്‍ അഭിനയിക്കുന്ന സിനിമകളില്‍ നിന്നും ലഭിക്കുന്ന പ്രതിഫലത്തില്‍ നിന്നും 2 ലക്ഷംരൂപ മിമിക്രി കലാകാരന്മാരുടെ ക്ഷേമത്തിനായി കൈമാറുമെന്ന വാക്ക് അദേഹം വീണ്ടും പാലിച്ചിരിക്കുകയാണ്. ചിത്രീകരണം ആരംഭിക്കാന്‍ പോകുന്ന ഒറ്റക്കൊമ്പന് എന്ന സിനിമയുടെ അഡ്വാന്‍സ് തുകയില്‍ നിന്നും രണ്ടുലക്ഷം രൂപ മിമിക്രി കലാകാരന്മാരുടെ സംഘടനയ്‌ക്ക് കൈമാറിയിരിക്കുകയാണ് അദേഹം.
എല്ലാ സിനിമയില്‍ നിന്നും രണ്ട് ലക്ഷം രൂപ മിമിക്രികാരുടെ സംഘടനയായ മായ്‌ക്ക് കൈമാറുമെന്ന് 2021ലാണ് സുരേഷ് ഗോപി വാക്ക് നല്‍കുന്നത്. ബുദ്ധിമുട്ട് അനുഭവിക്കുന്ന മുന്‍കാല മിമിക്രി കലാകാരന്മാര്‍ക്കുള്ള സഹായമായിട്ടായിരുന്നു സുരേഷ്‌ഗോപി സഹായം നല്‍കുമെന്ന് അറിയിച്ചത്. മിമിക്രി താരങ്ങള്‍ക്കൊപ്പമുള്ള മാ മാമാങ്കം എന്ന പരിപാടിയില്‍ പങ്കെടുത്തുകൊണ്ടാണ് സുരേഷ് ഗോപി ഈ വാഗ്ദാനം.
‘വാര്‍ധക്യത്തിലാണ് നല്ല കാലം വരുന്നത്. എനിക്കും അങ്ങനെയാണ്. സമ്പാദിച്ച് കൊണ്ടിരിക്കുന്ന കാശില്‍ നിന്നും ഇത്ര തരാമെന്ന് പറയുന്നതില്‍ ഒരു കുറച്ചിലുണ്ട്. പക്ഷേ ഞാന്‍ വാക്ക് തരുന്നു, ഇവിടുന്ന് അങ്ങോട്ട് ചെയ്യുന്ന ഓരോ സിനിമയില്‍ നിന്നും രണ്ടു ലക്ഷം രൂപ, ദാനമല്ല’ എന്നായിരുന്നു വേദിയില്‍വെച്ച് സുരേഷ്ഗാേപി നല്‍കിയ വാഗ്ദാനം
ചെക്ക് കൈമാറുന്നതായി സുരേഷ്‌ഗോപി ഫേസ്ബുക്കിലൂടെ അറിയിക്കുകയായിരുന്നു. ചെക്കിന്റെ ചിത്രവും അദേഹം പങ്കുവെച്ചിട്ടുണ്ട്. നേരത്തേയും സിനിമയുടെ അഡ്വന്‍സ് തുക ലഭിച്ചപ്പോള്‍ രണ്ട് ലക്ഷം രൂപ സുരേഷ് ഗോപി കൈമാറിയിരുന്നു.
പ്രതികരിക്കാൻ ഇവിടെ എഴുതുക: