തൃശ്ശൂര്‍: സാഹിത്യകാരനും തപസ്യ സംസ്ഥാന അധ്യക്ഷനുമായിരുന്ന മാടമ്പ് കുഞ്ഞുക്കുട്ടന്റെ സ്മരണാര്‍ഥമുള്ള മാടമ്പ് സ്മാരക പുരസ്‌കാരം സുരേഷ് ഗോപിക്ക്. കലാരംഗത്തും സാമൂഹ്യസേവന രംഗത്തുമുള്ള സംഭാവനകള്‍ മാനിച്ചാണ് 25,000 രൂപയും പ്രശസ്തിപത്രവും ഫലകവുമടങ്ങുന്ന പുരസ്‌കാരം.
മാടമ്പ് കുഞ്ഞുക്കുട്ടന്റെ ഒന്നാം ചരമ വാര്‍ഷികത്തോടനുബന്ധിച്ച് മേയ് എട്ടിന് രാവിലെ 10ന് കിരാലൂര്‍ മാടമ്പ് സ്മാരക സമിതിയും തപസ്യ കലാസാഹിത്യവേദിയും സംഘടിപ്പിക്കുന്ന അനുസ്മരണ യോഗത്തില്‍ പുരസ്‌കാരം സമ്മാനിക്കുമെന്ന് മാടമ്പ് സ്മാരക സമിതി ഭാരവാഹികളായ വി.കെ. സുനില്‍, രേഷ്മ സുധീഷ്, തപസ്യ സംസ്ഥാന സെക്രട്ടറി സി.സി. സുരേഷ്, ജില്ലാ പ്രസിഡന്റ് ശ്രീജിത്ത് മൂത്തേടത്ത്, സെക്രട്ടറി കെ.ഡി. മാധവദാസ് എന്നിവര്‍ അറിയിച്ചു.
പ്രതികരിക്കാൻ ഇവിടെ എഴുതുക: